Bul týraly Almaty qalasynyń ákimi E.Dosaevtyń Áýezov aýdanynyń turǵyndarymen kezdesýinde aıtyldy, dep habarlaıdy Almaty-akshamy.kz.
Ótken jyly aqpan aıynda "Aqsaı-2" shaǵynaýdanynyń turǵyndary skverdi (Tóle bıden Marǵulan kóshesine deıin) jóndeýdi suraǵan. Qazirgi tańda skver zamanaýı qalalyq dızaınnyń jańa standarttaryna sáıkes abattandyryldy jáne turǵyndar úshin jańa demalys ornyna aınaldy.
Búginde aýdannyń 5 magıstraldy kóshesi, ıaǵnı Jandosov, Momyshuly, Saın, Tóle bı kósheleri men Abaı dańǵylyndaǵy jaıaý júrginshiler keńistiginiń aýmaǵyn ózgertý jobalary boıynsha jobalaý-smetalyq qujattama ázirlenip, saraptamaǵa jiberilýde. Osy jyldyń shilde aıynda jobalar memlekettik saraptamadan shyǵady dep kútilýde.
"Taýgúl" shaǵynaýdanynda bos demalý oryndarynyń bolmaýyna baılanysty kólik qozǵalysyn shekteý arqyly Shalov býlvaryn zamanaýı jaıaý júrginshiler aımaǵy retinde jaılastyrýǵa jobalaý-smetalyq qujattama ázirlendi (uzyndyǵy - 660 m, aýdany – 3,7 ga). Búgingi kúni joba saraptamadan ótip jatyr. Saraptamadan shyǵý merzimi – osy jyldyń naýryz aıynyń sońy. Jumysty mamyr aıynda bastap, jyldyń sońyna deıin aıaqtaý kózdelip otyr.