Almatyda el Prezıdentiniń Joldaýyn talqylaýǵa arnalǵan túsindirý jumystary jalǵasyp jatyr.
Jalpy, syndarly qoǵamdyq dıalog – Qazaqstannyń turaqtylyǵy men órkendeýiniń negizi. Sondyqtan elimizdiń bolashaǵyn aıqyndaıtyn qujatty talqylaý barlyǵymyz úshin mańyzdy. Alataý aýdany, «Baıbesik» yqshamaýdanynda ornalasqan «Mebel Laif» JSHS ujymynda ótken jıyn barysynda Memleket basshysynyń aýqymdy máseleler boıynsha naqty tapsyrmalar bergeni týraly jan-jaqty aıtyldy.
«Bizdiń elimiz qazir qaıtadan qurylýda. Biz basqa deńgeıge jetýge talpynys ústindemiz. Elimizde referendým ótti. Kóptegen ózgerister bolyp jatyr. Buryn depýtattar halyqpen kezdesýge jylyna bir ret keletin edi. Shyny kerek, halyq tipti kóptegen depýtattardy bilmeıtin. Degenmen, qazir bári ózgerip jatyr. Biz sizderdiń qoıyp jatqan barlyq saýaldaryńyzdy tıisti oryndarǵa jetkizemiz», – dedi Almaty qalasy máslıhatynyń depýtaty Gúljan Bekenova.
Jıyn barysynda halyqtyń turmys jaǵdaıy, densaýlyq saqtaý jáne halyqqa áleýmettik kómek kórsetýdiń túrleri týraly keńinen áńgime boldy. Sóz sóılegender Memleket basshysynyń Joldaýy elimizdiń damýy úshin aıqyn baǵyt, basty baǵdar bolatynyn atap ótti.
«Q.Toqaev memleketti nyǵaıtý, otandyq bıznesti qoldaý, halyqty áleýmettik qorǵaý jáne ekonomıkany damytý jaıyna keńinen toqtaldy. Jergilikti bılik qyzmetiniń tıimdiligin tikeleı baǵalaý bastamasyn kóterdi. Biz osy Joldaý mindetteri oryndalyp, qazaqstandyqtardyń turmys sapasyn arttyrý, kásipkerlikti qoldaý, ınfraqurylymdy damytý, baspana máselesin sheshý syndy tegeýrindi basymdyqtar júzege asqan jaǵdaıda eldiń turmysy túzelip, jaǵdaıymyzdyń jaqsaratynyna senemiz. Joldaý bolashaǵymyzdyń irgesin nyqtaýǵa mindetteıdi. Endeshe, qýatty Qazaqstandy birge quryp, eldiń ál-aýqatyn jaqsartý jolynda jemisti jumys istep, erinbeı eńbekteneıik», – dedi Almaty qalasy máslıhatynyń depýtaty Araılym Shamova. Kezdesý barysynda depýtattarǵa kóptegen suraqtar qoıylyp, naqty jaýaptar aıtyldy. Jıynǵa qatysýshylar memlekettiń qazirgi qoldaýlarynyń arqasynda otandyq bıznes pen shaǵyn kásipkerliktiń jaqsy damyp kele jatqanyna basa toqtaldy.