Mamandar bolashaqta sport keshenderiniń sany artatynyn aıtady.
Túrksib aýdanynyń turǵyndary úshin sport obektilerin «jaqyn ornalastyrý» jumystary jalǵasyp jatyr. Bul týraly Almaty ákimi Erbolat Dosaev aýdan halqymen ótken kezdesý barysynda aıtty, dep habarlaıdy Almaty-akshamy.kz.
«Osy jyldyń naýryz aıynda «Juldyz» shaǵynaýdanynda baseıni, gımnastıka, jekpe-jekpen aınalysýǵa arnalǵan zaldary jáne t.b. bar jeke dene shynyqtyrý-saýyqtyrý kesheni ashyldy. Jyldyń sońyna deıin «Jas Qanat» shaǵynaýdanynda baseıni bar taǵy bir sport kesheni iske qosylady»,- dedi qala ákimi Erbolat Dosaev.
Sonymen qatar ákimniń aıtýynsha, osy jyldyń qazan aıynda Maılın kóshesindegi «Avıator» stadıonynyń jáne Ogarev kóshesindegi Damý jáne shyǵarmashylyq ortalyqtyń aýmaǵynda dene shynyqtyrý-saýyqtyrý keshenin salý úshin jobalaý-smetalyq qujattamaǵa memlekettik saraptama qorytyndysyn alý josparlanǵan.