Órt sóndirý brıgadasy oqıǵa ornyna tez jetip, shuǵyl shara qoldaný úshin depolardyń jaǵdaıyn jaqsartý kerek
Shahar basshysymen kezdesýge arnaıy kelgen Túrksib aýdanynyń turǵyny órt sóndirýshilerdiń jumysyna shaǵymdandy, dep habarlaıdy Almaty-akshamy.kz.
«27 maýsym kúni «Jas qanat» shaǵynaýdanynda úı órtendi. Órt sóndirý brıgadasy oqıǵa ornyna 25 mınýt degende áreń jetti. Ol ýaqytta úı janyp, tóbesi opyrylyp tústi. Mundaı tótenshe jaǵdaı kezinde qutqarýshylar, polısıa, jedel járdem qyzmetkerleri alǵashqylardyń biri bolyp sol jerden tabylý kerek edi, ókinishke oraı, olaı bolmady»,- deıdi Túrksib aýdanynyń turǵyny.
Óz kezeginde Erbolat Dosaev jańa shaǵynaýdandardyń ashylýyna baılanysty órt sóndirý depolary jetispeı jatqanyn aıtty.
«Almatyda jańa aýdandardyń paıda bolýyna baılanysty 15 órt sóndirý deposy jetispeıdi. Qazir depolar boıynsha joba daıyndalyp jatyr. Sonymen qatar, órt sóndirý brıgadasy oqıǵa ornyna tez jetip, shuǵyl shara qoldaný úshin depolardyń jaǵdaıyn jaqsartý kerek»,- dedi Almaty ákimi.