Túrksib aýdany boıynsha 28 joba iriktep alynǵan.
Ústimizdegi jyly «Halyqtyń búdjetke qatysý» jobasyna 800 mln teńge bólindi. Bul týraly qala ákimi Erbolat Dosaev Almatydaǵy Túrksib aýdanynyń turǵyndarymen kezdesý barysynda aıtty, dep habarlaıdy Almaty-akshamy.kz.
«Turǵyndardyń usynystary boıynsha 28 joba iriktep alyndy. Onyń ishindegi iri nysandar – Seıfýllın men Rysqulov dańǵyldarynyń qıylysyndaǵy kireberisti abattandyrý, Aqkerbez kóshesindegi jaǵalaý aımaǵyn rekonstrýksıalaý, Maılın kóshesi, 54 mekenjaıyndaǵy skverdi uzartý. Jumystar osy jyldyń sońyna deıin aıaqtalady. Bıyl «Aspan» parkin abattandyrý, Maıak toǵaıyn kúrdeli jóndeý, syrtqy jaryq jelilerin, oryndyqtardy, Work out alańdaryn ornatý josparlanǵan», - dedi Erbolat Dosaev.
Ákimniń aıtýynsha,qala turǵyndarynyń demalys oryndaryna erkin barýyna jaǵdaı jasaý maqsatynda jyldyń basynda
«Altaı-1» shaǵynaýdanynda jaıaý-serýendeý aımaǵy salyndy, 2022 jyldyń sońyna deıin Moldaǵalıev kóshesinde taǵy bir serýendeý aımaǵyn qurý josparlanǵan.