3 msýsymda Almaty qalasyndaǵy Qazaqstan Respýblıkasynyń Ulttyq kitaphanasynda Qoja Ahmet Iasaýı atyndaǵy Halyqaralyq qazaq-túrik ýnıversıtetiniń Eýrazıa ǵylymı-zertteý ınstıtýty men Qazaqstan Respýblıkasy Prezıdenti janyndaǵy QR Ulttyq Ǵylym akademıasynyń qoldaýymen «Ortalyq Azıanyń tarıhı geografıasy: ýaqyt, keńistik, jady» atty İİ Halyqaralyq ǵylymı konferensıasyn ótkizdi.
Qazaqstan Respýblıkasynyń Ǵylym jáne joǵary bilim mınıstriligi qarjylandyrǵan «Ortalyq Azıanyń tarıhı geografıasy» atty irgeli ǵylymı baǵdarlamany iske asyrý aıasynda ótkizilgen bul halyqaralyq ǵylymı is-sharaǵa otandyq ǵylymdarmen qatar, Avstrıa, Germanıa, Chehıa, Ulybrıtanıa, Túrkıa, Ázerbaıjan, Iran, Pakistan, Reseı, Japonıa, Mońǵolıa, Ózbekstan, Qyrǵyzstan, jáne Tájikstan sıaqty 15 eldiń jetekshi ýnıversıtetteri men ǵylymı-zertteý ortalyqtarynan 60-tan astam ǵalymdar men jaszertteýshiler qatysyp, jalpy 58 baıandama kópshiliktiń talqysyna usynyldy.
Konferensıa «Ortalyq Azıanyń kartografıasy jáne kartografıalyq zertteýler», «Qazirgi tarıhı geografıa jáne jańa perspektıvalar», «Tarıhı geografıany qalpyna keltirý: derekkóz tásili», «Tarıhı geografıa jáne tarıhı-mádenı murany qaıta paıymdaý», «Ortalyq Azıanyń tarıhı geografıasyndaǵy este saqtaý, sáıkestilik jáne keńistik», «Ortalyq Azıanyń etnıkalyq jáne lıngvısıkalyq geografıasy, tarıhı toponımıasy» jáne «Saýda joldary, ekonomıkalyq geografıa jáne aımaqtyq ıntegrasıa» atty 8 seksıadan turatyn 4 qatarsesıadan turdy.
Atalmysh ǵylymı konferensıa otandyq jáne sheteldik ǵalymdar men zertteýshilerdiń basyn qosyp, Ortalyq Azıanyń tarıhı úderisi pen geografıalyq keńistiktegi saıası, áleýmettik-ekonomıkalyq, rýhanı-mádenı ózgerýi men damýyn, sondaı-aq, tarıhı geografıanyń dástúrleri men tyń zertteý baǵyttaryn talqylaý men ózara ashyq ǵylymı pikir almasýǵa múmkindik berdi. Osylaısha, bul ǵylymı konferensıa – ǵylymı oı-pikirdiń, Ortalyq Azıanyń tarıhy men tarıhı-geografıasyn jan-jaqty ári tereńdetip tanýdyńashyq aınalyp úlgerdi.