Qazaqstan polısıasynyń qurylǵanyna 33 jyl tolýyna arnalǵan ımıjdik jáne ıdeologıalyq aılyq aıasynda Almaty qalasy polısıa departamentinde balalarǵa tanymdyq ekskýrsıa uıymdastyryldy.
Almatylyq 25 bala quqyq qorǵaý salasyna qyzyqty saıahat jasap, PD-nyń jedel basqarý ortalyǵyna bardy, dep habarlaıdy aqshamnews.kz Polisia.kz-ke silteme jasap.
Munda olarǵa táýlik boıy azamattardan qońyraýlar qalaı qabyldanatyny, polısıa jasaqtarynyń jedel áreket etýi jáne zamanaýı tehnologıalardyń qoǵamdyq qaýipsizdikti qamtamasyz etýdegi róli kórsetildi. Sodan keıin balalar departament murajaıyna baryp, almatylyq polısıanyń kópjyldyq tarıhymen, erlik jolymen, urpaqtar sabaqtastyǵymen jáne polısıa qyzmetiniń qoǵam ómirindegi mańyzdylyǵymen tanysty.
- Mundaı sharalar balalar úshin jaı ǵana ekskýrsıa emes. Bul – Zańǵa, memleketke jáne qoǵamdyq tártipti kúzetip júrgen adamdarǵa degen qurmetti tárbıeleýdiń mańyzdy bóligi. Biz ósip kele jatqan urpaq polısıa týraly jaı ǵana bilmeı, ony qorǵaýshy retinde sezinip, senip, qurmetteı bilgenin qalaımyz, – dedi Almaty qalalyq PD jergilikti polısıa qyzmeti basqarmasy ıývenaldyq polısıa bóliminiń bastyǵy Janna Shonjanova.
Almaty qalalyq polısıa departamenti İİM jarıalaǵan profılaktıka jyly aıasynda mektep oqýshylary men jasóspirimderge arnalǵan ashyq is-sharalardy ótkizýdi jalǵastyrady