Almaty ákimi Darhan Satybaldy qalalyq Týrızm basqarmasynyń basshysy Ǵalıa Toqseıitovanyń 2024 jylǵy týrısik salanyń damý nátıjesi men 2025 jylǵa arnalǵan jospary jaıly esebin tyńdady.
Aıtylǵan málimetke sáıkes, 2024 jyly Almatyǵa 2,3 mıllıon týrıs kelgen. Bul byltyrmen salystyrǵanda 14,8 paıyzǵa kóp. Ásirese, sheteldik týrıser sany aıtarlyqtaı artqan: kórsetkish 27 paıyzǵa ósip, 686 myń adamǵa jetti.
Qalaǵa kelýshiler sanynyń artýy Almaty ekonomıkasyna septigin tıgizip otyr. 2024 jyly týrızm salasynan túsken salyq 90,7 mlrd teńge bolyp, aldyńǵy jylmen salystyrǵanda 1,9 ese artty. Negizgi kapıtalǵa tartylǵan ınvestısıa 110,9 mlrd teńgege jetip, 2,1 paıyzǵa ulǵaıdy.
Bul júıeli ári belsendi marketıńtik saıasattyń jemisi. Almaty halyqaralyq týrısik reıtıńterde – CNN men Booking.com sekildi platformalarda saıahattaýǵa arnalǵan eń tartymdy baǵyttardyń biri retinde tanylyp otyr. 2024 jyldyń qorytyndysy boıynsha almatylyq týroperatorlar sheteldik seriktestermen 156 kelisim jasasyp, 2027 jylǵa deıin 110 myńnan astam sheteldik týrısi qabyldaýdy kózdegen. Bul kezeńdegi kútiletin ekonomıkalyq áser 165 mıllıon AQSH dollary bolmaq (bir týrısiń ortasha shyǵyny – 1 500 dollar dep eseptelgen).
2025 jyly Týrızm basqarmasynyń negizgi mindetteri taýly aımaqtardaǵy jaıaý júrginshiler ınfraqurylymyn damytý, qonaq úı qoryn keńeıtý, sondaı-aq, iskerlik týrızmdi órkendetý bolmaq. Bul baǵyttar týrıser leginiń artýyna serpin beredi.
Darhan Satybaldy týrızm salasyn shahardyń ekonomıkalyq damýyna serpin beretin mańyzdy draıverlerdiń biri retinde atap ótip, týrısik ınfraqurylymǵa ınvestısıa tartý jáne Almatyny ishki jáne halyqaralyq deńgeıde tartymdy týrısik baǵyt retinde damytý jumystaryn jandandyrýdy tapsyrdy.