Ulttyq qurama qorjyny taǵy da medaldarmen tolyqty
Fızıkadan halyqaralyq olımpıadada qazaqstandyq oqýshylar 1 altyn jáne 4 kúmis medal jeńip aldy. Bul týraly oqý-aǵartý mınıstri Asqat Aımaǵambetov telegramm jelisinde jazdy, dep habarlaıdy Almaty-akshamy.kz.
Fızıkadan halyqaralyq olımpıadada (IPhO) Shveısarıanyń Súrıh qalasynda 10-15 shilde aralyǵynda ótti. Bilim saıysynda qazaqstandyq oqýshylar 1 altyn jáne 4 kúmis medal jeńip aldy.
«Elimizdiń namysyn 5 oqýshy qorǵady. Olar 75 elden kelgen 368 jasóspirimmen synǵa tústi. Balalarymyz ótken jyly 5 kúmiske ıe bolǵan edi. Osylaısha bıyl oqýshylarymyz byltyrǵy kórsetkishti jaqsarta aldy. Ulttyq qurama qorjynyna Danııl Shatohın altyn jáne kúmis medaldi Ersultan Pitebaı, Vladımır Lım, Dinmuhammed Rahymjanov jáne Rızabek Alpamys ákeldi», - delingen jazbada.