Almatydan Qaraǵandy qalasyna baǵyt alǵan jolaýshylar kóliginde 17 adam bolǵan
Qaraǵandy oblysynda shaǵyn avtobýs júk kóligimen soqtyǵysyp, saldarynan 8 adam qaza boldy. Taǵy 9 adam aýrýhanaǵa jetkizildi, dep habarlaıdy Almaty-akshamy.kz tilshisi.
Qaıǵyly oqıǵa 16 shilde kúni saǵat 03.20 shamasynda Qaraǵandy oblysy, Shet aýdany, «Almaty -Ekaterınbýrg» tasjolynda boldy. MAN júk kóligi men Mercedes Sprinter shaǵyn avtobýsy soqtyǵysqan. Almatydan Qaraǵandy qalasyna baǵyt alǵan jolaýshylar kóliginde 17 adam bolǵan.
«Jol-kólik apaty saldarynan oqıǵa ornynda 7 adam qaza tapty. Taǵy 1 adam aýrýhanaǵa barar jolda jedel-járdem kóliginde mert boldy. Sonymen qatar ártúrli dene jaraqattarymen aýrýhanaǵa 9 adam jetkizildi», - dep habarlady Qaraǵandy oblysy Polısıa departamentiniń baspasóz qyzmetinen.
Aldyn ala boljam boıynsha Mercedes Sprinter avtokóliginiń júrgizýshisi uıyqtap ketken.
«Atalǵan fakti polısıada tirkelip, tıisti saraptamalar taǵaıyndaldy. Qorytyndysy boıynsha naqty prosesýaldyq sheshim qabyldanatyn bolady», - dedi polısıadan.