Kúzgi demalys úsh kúnge, al qysqy jáne kóktemgi demalystar bir kúnnen qysqarýy múmkin.
QR Bilim jáne ǵylym mınıstri Asqat Aımaǵambetovtiń buıryǵymen qazaqstandyq oqýshylardyń demalysy bes kúnge qysqarýy múmkin, dep habarlaıdy Almaty-akshamy.kz.
Bul týraly «Ashyq NQA» saıtynda jarıalanǵan.
«Kúzgi demalys – 7 kún (25 –31 qazan 2021 jyl); qysqy – 11 kún ( 2021 jyldyń 31 jeltoqsanynan bastap, 2022 jyldyń 10 qańtaryna deıin), kóktemgi – 11 kún ( 21 – 31 naýryz 2022 jyl); 1 synyptar úshin: qosymsha demalystar – 7 kún ( 7 – 13 aqpan 2022 jyl)», – dep jazylǵan.
Ótken oqý jylynda kúzgi demalys 10 kúnge sozylsa, qysqy jáne kóktemgi demalys 12 kúnnen bolǵan.
Al jazǵy demalys 2021-2022 jylǵy oqý jylynda ádettegideı, 26 mamyrdan 1 qyrkúıekke deıin jalǵasady.
Demalysty qysqartý jónindegi qujat 28 maýsymǵa deıin talqylanady.