QR Oqý-aǵartý mınıstri Ǵanı Beısembaev Koreıa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Chjo Te-ıkpen kezdesti.
Kezdesý barysynda taraptar orta, tehnıkalyq jáne kásiptik bilim berý salasyndaǵy ekijaqty yntymaqtastyqty keńeıtý perspektıvalaryn talqylady, dep habarlaıdy aqshamnews.kz.
Kolejderdi ınternasıonaldandyrý salasynda tájirıbe almasý, akademıalyq utqyrlyq sheńberinde stýdentter men oqytýshylar úshin taǵylymdamalar uıymdastyrý, sondaı-aq pedagogterdiń kásibı quzyrettiligin arttyrý máselelerine erekshe nazar aýdaryldy.
«Memleket basshysy jarıalaǵan Jumysshy mamandyqtar jylynyń negizgi is-sharalarynyń biri - elimizdiń 10 kolejin ınternasıonaldandyrý bolmaq. Negizgi maqsat - olardyń jahandyq deńgeıde básekege qabilettiligin arttyrý jáne bilim berý baǵdarlamalaryn halyqaralyq standarttarǵa sáıkestendirý», - dedi Ǵanı Beısembaev.
Sondaı-aq orta bilim berý jáne koreı tili muǵalimderiniń biliktiligin arttyrý salasynda odan ári ózara yntymaqtastyq qurý múmkindikteri qarastyryldy.