6 jyl ishinde agroónerkásiptik keshende memlekettik qoldaýdy jaqsartýǵa, sýbsıdıalaý tıimdiligin arttyrýǵa jáne aýyl sharýashylyǵynyń negizgi salalarynyń ósýin yntalandyrýǵa baǵyttalǵan eleýli ózgerister boldy.
QR ASHM Prezıdenttiń tapsyrmalary aıasynda fermerlik qoǵamdastyqpen birlesip memlekettik qoldaý tásilderi qaıta qaraldy, dep habarlaıdy aqshamnews.kz
2023 jyldan bastap elde sýbsıdıalaý júıesin reformalaý boıynsha sharalar qabyldandy, bul ony tıimdirek jáne ashyq etýge múmkindik berdi.
Máselen, negizgi memlekettik aqparattyq derekter bazasymen ıntegrasıalanǵan sýbsıdıalaýdyń tegin memlekettik aqparattyq júıesi engizildi.
Sýbsıdıalardyń qoljetimdiligin arttyrý úshin kezek tártibimen ótinimderdiń ádil jáne dáıekti qanaǵattandyrylýyn qamtamasyz etetin «kútý paraqtary» engizildi.
Aýyl sharýashylyǵy tehnıkasyn, jabdyqtaryn satyp alýǵa, sondaı-aq tuqym sharýashylyǵyn, qyzylsha sharýashylyǵyn jáne qant salasyn damytýǵa baǵyttalǵan sýbsıdıalaý normatıvterine ózgerister engizildi.
Tıimdiligi tómen jáne sybaılas jemqorlyq táýekelderi joǵary sýbsıdıalardyń 10 kishi túri joıyldy.
Aýyl sharýashylyǵy taýaryn óndirýshiler úshin qarsy mindettemeler engizildi, bul memlekettik qoldaýdy paıdalanýdyń neǵurlym jaýapty tásiline yqpal etedi.
2024 jyly sybaılas jemqorlyq táýekelderin azaıtýǵa jáne sýbsıdıalar tólemderiniń tıimdiligin arttyrýǵa baǵyttalǵan sýbsıdıalaý tetikterin jetildirý jónindegi jumys jalǵastyryldy.
Ósimdik sharýashylyǵynda Memleket basshysynyń tapsyrmasy sheńberinde otandyq mıneraldy tyńaıtqyshtardy avanstyq sýbsıdıalaý tetigi engizildi. Endi aýyl sharýashylyǵy óndirýshileri sýbsıdıalaý normasy 50%-dan 60% - ǵa deıin ulǵaıtylǵan arzandatylǵan tyńaıtqyshtardy aldyn ala berý múmkindigi bar.
Sý berý jónindegi qyzmetterdiń qunyn sýbsıdıalaý qaǵıdalaryndaǵy ózgerister sý berýshilerge sýbsıdıalar tóleýdi tikeleı engizýge múmkindik berdi, bul fermerler úshin sýarmaly sýdyń qunyn arzandatýdy qamtamasyz etedi.
Aýyl sharýashylyǵy óndirýshilerine kredıt berý jáne lızıń kezinde stavkalardy sýbsıdıalaý qaǵıdalaryna ózgerister engizildi, bul sharýalarǵa kóktemgi egis jáne egin jınaý jumystaryn júrgizýge, sondaı-aq aýyl sharýashylyǵy tehnıkasyn satyp alýǵa jyldyq 5%-ben qarjylandyrýdy alýǵa múmkindik beredi.
Sý únemdeý tehnologıalaryn engizýge jáne sý alý úshin ınfraqurylymdy qurýǵa jáne keńeıtýge sýbsıdıalaý úlesi 50%-dan 80%-ǵa deıin ulǵaıtyldy, bul sý resýrstaryn neǵurlym tıimdi paıdalanýǵa yqpal etetin bolady.
Mal sharýashylyǵynda ónimniń ónimdiligi men sapasyn arttyrý maqsatynda asyl tuqymdy mal sharýashylyǵyn damytýdy sýbsıdıalaý qaǵıdalaryna ózgerister engizildi. Sondaı-aq jem-shóp shyǵyndaryna qatysty sýbsıdıalaý qaǵıdalaryna ózgerister engizildi, bul qazir TJ bolmasa da, Atyraý, Mańǵystaý jáne Qyzylorda oblystary sıaqty eldiń qurǵaq óńirlerinde ornalasqan sút-taýar fermalarynyń jem-shóp shyǵyndaryn sýbsıdıalaýǵa múmkindik beredi.
QR ASHM aýyl sharýashylyǵy ónimderin óndirý men eksporttaýdy ulǵaıtýǵa, salanyń turaqty damýyn yntalandyrýǵa jáne qazaqstandyq AÓK-niń álemdik naryqtaǵy básekege qabilettiligin arttyrýǵa baǵyttalǵan memlekettik qoldaý tetikterin jetildirý jónindegi jumysty jalǵastyrady.
Bul ózgerister AÓK-ni odan ári nyǵaıtýdy, saladaǵy oń úrdisterdi qoldaýdy jáne búkil el boıynsha fermerler men aýyl sharýashylyǵy taýaryn óndirýshiler úshin jumys jaǵdaılaryn jaqsartýdy qamtamasyz etedi.