Halyqqa jaıly qalalyq orta qurýdyń alǵysharty bolǵandyqtan, Almaly aýdany aýlalardy, kóshelerdi, saıabaqtardy, skverler men qoǵamdyq oryndardy júıeli túrde tazalap otyrady, - dep habarlaıdy aqshamnews.kz.
Kósheler men joldardyń tazalyǵyna úsh merdiger uıym jaýapty, olar 110 kósheni qalypqa keltirip, jalpy uzyndyǵy 186,6 shaqyrym, aýdany 3,6 mıllıon sharshy metr bolatyn jerde jumys isteıdi. 241 jumysshy men 162 arnaýly tehnıkasy jáne bar. Almaty qalasynyń óńirlik komýnıkasıalar qyzmetinde ótken baspasóz máslıhatynda Almaly aýdanynyń ákimi Arman Shamshın azamattardyń ótinishine jedel jaýap berý úshin úsh jedel top qurylǵanyn da habarlady.
Aýlalyq aýmaqtar da qala qyzmetiniń baqylaýynda. Aýdanda barlyǵy 425 aýla bar, olardyń jalpy aýdany 3 mıllıon sharshy metr. Aýlalardyń tazalyǵymen bes merdiger uıym aınalysady, jumysqa 325 aýla qyzmetkeri men 45 arnaýly tehnıka tartylǵan. Sonymen qatar, 2025 jyly aýla tazalaýǵa arnalǵan avtoparkti taǵy 9 arnaıy tehnıkamen tolyqtyrmaq.
Aýdandaǵy jasyl qoǵamdyq keńistikterge erekshe nazar aýdarylǵan. Almaly aýdanynda 22 skver, 1 saıabaq, 5 býlvar men 20 jasyl aımaq ornalasqan. 113 jumysshy men 25 arnaýly tehnıka osy aýmaqtardyń tazalyǵyna jaýapty. Aýdan shyǵys jáne batys jaq bolyp ekige bólingen, jaýapkershilikti de eki merdiger uıym moınyna alypty.
Shyǵys bólikke, onyń ishinde Nazarbaev dańǵyly - Abaı dańǵyly - Baızaqov - Raıymbek kósheleri aralyǵyndaǵy aýmaqqa jaýapty «Get Target» JSHS. Bul aýmaqta 16 skver, 4 býlvar jáne 13 jasyl aımaq bar. Munda 63 jol jumysshysy men 15 arnaýly tehnıka jumys isteıdi.
Al batys bólikke, Baızaqov - Abaı - Saıran - Raıymbek kósheleri aralyǵyna «Samǵaý Grýpp» JSHS jaýapty. Bul aýmaqta 1 saıabaq, 6 skver, 1 býlvar jáne 7 jasyl aımaq ornalasqan. Bul nysandara 50 adam jumys isteıdi, 10 tehnıkasy taǵy bar.
Osylaısha, Almaly aýdanynyń tazalyǵyna kún saıyn 700-den astam jumysshy men 230-dan astam arnaýly tehnıka jumyldyrylypty.