Almaty qalasynyń Almaly audany kógaldandyru men abattandyru jaǵynan kóp jūmys bítírdí. Jyl basynan berí mūnda 230 aǵash egílíp, 17 myńnan astam aǵash kesílgen. Jaqynda 55 myńnan astam būtany taǵy ekpekpíz.
«Halyq qatysatyn byudjet» baǵdarlamasynyń bír bólígí osyndaı. Almaty qalasynyń Óńírlík kommunıkatsıyalar qyzmetínde ótken baspasóz máslıhatynda Almaly audanynyń ákímí osylaı dep málímdedí.
Almaly audany kórkeıíp, damyp jatyr: 2025 jyly mūnda qalalyq ortanyń sapasyn jaqsartuǵa baǵyttalǵan ondaǵan joba júzege asyrylǵan. Ásírese kógaldandyru men abattandyru jūmystarynyń qarqyny kóńíl kónshíterlíkteı. Audan bírte-bírte jaıly da, ásem audanǵa aınalyp barady.
Jyl basynan berí audanda jetí aımaq kógaldanyp, abattandyryldy. Būta egíp, gazon tóselíp, avtomatty suaru júıesí ornatylǵan. Mūndaı jūmysty taǵy on bír mekenjaıda qolǵa alypty. Jalpy, 2025 jyly «Halyq qatysatyn byudjet» baǵdarlamasy ayasynda Almaly audanynda 45 joba júzege asyrylmaq: 23 joba aula jóndeuge, 18 joba jasyl aımaqtardy kógaldandyruǵa jáne 4 joba aula aumaqtaryn kógaldandyruǵa arnalǵan.
Bıyl Nauryzbaı batyr, Shevchenko, Qūrmanǵazy, Abylaı han, Nazarbaev, Abaı, Jeltoksan men Seıfullın kóshesíníń boıynda da kógal paıda bolady. Būdan bólek 55 myńnan astam būta da egílmek. Qazírdíń ózínde úsh jerde jūmysty bastap ketken. Shevchenko kóshesí (Nazarbaevtan Seıfullınge deıín), Qūrmanǵazy kóshesí (Nazarbaevtan Seıfullınge deıín), Nauryzbaı batyr kóshesí (Abaıdan Tóle bıge deıín). Qalǵan bes aımaqtaǵy jūmys memlekettík satyp alu rásímderí ayaqtalǵannan keıín, tamyz aıynda bastalmaq.
Būdan bólek, 2025 jyldyń basynan berí Almaly audanynda 230 aǵash egíldí. Astana alańynda, Abaı dańǵylynda, A. Imanov atyndaǵy skver men Dúısenov kóshesíne kóshet egíldí. Shírígen aǵashtardy da bírtíndep kesíp jatyr. Bıylǵy jyldyń alǵashqy bes aıynda 17 myńnan astam aǵash óńdelgen. Jyl sońyna deıín būl kórsetkíshtí 30 myńǵa jetkízu josparlanyp otyr.
Almatydaǵy qarqyndy damyp kele jatqan ortalyq audannyń bírí sanalatyn Almaly audanyndaǵy osyndaı keshendí jūmystyń arqasynda bíraz jerde jańartylǵan jasyl aımaqtar paıda bolyp, aulalar abattanyp, kósheler de jaqsaryp, audan ózgeshe sıpatqa ıe bolyp qaldy.