Sol sebepti oǵan tyıym salý usynyldy.
3 myńnan astam adam byltyr alaıaqtarǵa aldanǵan, dep habarlaıdy Almaty-akshamy.kz
Depýtat Elnur Beısenbaev Bas prokýror Berik Asylov pen Qarjy naryǵyn retteý jáne damytý agenttiginiń tóraǵasy Mádına Ábilqasymovaǵa joldaǵan depýtattyq saýalynda elimizdegi mıkroqarjy uıymdary arqyly onlaın nesıe rásimdeýge tyıym salýdy usyndy.
«Halyq arasynda qazir onlaın nesıe alýǵa suranys kúrt artqan. Qarapaıym adamdar mıkroqarjy uıymdarynan jetiskennen qaryz almaıdy. Aılyǵy shaılyǵyna jetpegendikten, osylaısha bir qaryzdy ekinshi qaryzben jamaıdy. Búginde elimizde 239 mıkroqarjy uıymy bar. Bankten nesıe rásimdeı almaǵan ańqaý halyqty deldal-alaıaqtar quryqqa ońaı túsirip, osyndaı uıymdarǵa alyp keledi. Tyǵyryqqa tirelgen adamnyń moınyna júzdegen paıyzdyq nesıe rásimdeledi, - dedi depýtat Májilistiń jalpy otyrysynda.
Onyń aıtýynsha, 2022 jyly bankten nesıe áperemin degen jeleýmen alaıaqtar 3022 adamdy san soqtyrǵan. Bıylǵy 3 aıda 475 fakti tirkelgen.
«Mysaly, osydan bir aı buryn Aqmola oblysy Býrabaı aýdanynyń turǵynyna habarlasqan ınternet-alaıaq ózin bank qyzmetkerimin dep tanystyryp, 1 mln teńge nesıe rásimdetken, al aqsha ózge adamnyń shotyna jiberildi. Abaı oblysynyń turǵynyna habarlasqan alaıaq bolsa, uıaly telefonǵa AnyDesk dep atalatyn qosymshany ornattyryp, sol arqyly 9,5 mln teńge nesıe rásimdep alǵan», - dedi ol.
Mundaı oqıǵalar Qazaqstannyń barlyq óńirinde tirkelgen.
Bul másele boıynsha AMANAT partıasynyń qoǵamdyq qabyldaýlaryna alaıaqtardyń isine tap bolǵan azamattar jıi shaǵym túsiredi. Alaıaqtar azamattardyń jeke derekterin paıdalana otyryp, onlaın nesıeni ózge adamǵa zańsyz rásimdeıdi, - dedi Elnur Beısenbaev.
Osyǵan baılanysty ol máseleni sheshýdiń mynadaı joldaryn usyndy:
Birinshiden, azamattarǵa mıkroqarjy uıymdary arqyly onlaın nesıe rásimdeýge elektrondy úkimet bazasynda tyıym salýdyń múmkindigin tezdetip engizý;
Ekinshiden, Qazaqstanda zańsyz lotereıalarmen, qarjy pıramıdalary, ózge de zańsyz qarjylyq operasıalarmen kúrestiń qalaı júrgiziletinin túsindirý;
Úshinshiden, áleýmettik jelilerge keshendi tekserý júrgizip, onlaın jarnamany alaıaqtyq maqsatta paıdalanatyn toptardy buǵattaý.