Májilis depýtaty Nurgúl Taý Premer-mınıstrge depýtattyq saýal joldady.
Onyń aıtýynsha, qazir elektrondy temekige táýeldilerdiń qarasy progresıvti jyldamdyqpen artyp keledi, dep habarlaıdy Almaty-akshamy.kz.
Nurgúl Taý Respublica partıasyna mektep oqýshylary men jastar arasynda «veıp» atymen tanymal elektrondy temekilerdiń jappaı taralýyna jáne qoldanylýyna tyıym salý týraly kóp ótinish túskenin atap ótti. Bul rette depýtat Álıhan Smaıylovty osy kúrdeli máselege nazar aýdarýdy surady. Naqtyraq:
1. Depýtattyq saýalda qoıylǵan máselelerdi qaraýǵa jáne elimizde veıpter men onyń basqa túrlerin satýǵa tolyǵymen tyıym salý múmkindigin qarastyrýǵa;
2. Elektrondy temekilerdiń, onyń ishinde veıpterdiń jarnamasyna tyıym salýǵa jáne osyǵan baılanysty jaýapkershilikti kúsheıtýge;
Ótinish bildirgen ata-analar quramynda nıkotıni bar devaıstardyń taralýyna jáne satylýyna túbegeıli qarsylyq bildirgen. Qazir álemniń 32 elinde veıpterdi satýǵa tyıym salynǵan. Olardyń qatarynda Danıa, Norvegıa, Ýrýgvaı, Argentına, Panama, Brazılıa, Meksıka, Kanada, Taıland, Úndistan, Gonkong, Sıngapýr, Malaızıa, Fılıppın, Lıvan, Qatar jáne taǵy basqa elder bar.