Ekpe alý densaýlyqty qorǵaýdyń jáne uzaq karantınnen shyǵýdyń jalǵyz ádisi.
Ótken táýlikte Almatyda koronavırýs ınfeksıasynyń 1561 jaǵdaıy tirkeldi, onyń ishinde 1467 jaǵdaı sımptomdy, 94 – sımptomsyz. Almatylyq depýtattar qalalyqtardy belsendi túrde vaksınalanýǵa shaqyrady, dep habarlady Almaty-akshamy.kz.
Koronavırýsqa qarsy vaksınalaný – bul densaýlyqty qorǵaýdyń jáne uzaq karantınnen shyǵýdyń jalǵyz ádisi. Ázirge megapolıs turǵyndarynyń ımýndyq qabaty halyqtyń resmı sanynyń 40%-dan sál ǵana asqanyn quraıdy. Bul ınfeksıanyń taralýynyń aldyn alý úshin jetkiliksiz.
Búginde júzdegen dárigerler koronavırýspen kúresýde, olardyń bir bóligi Almatydaǵy vaksınalaý ortalyqtarynda jumys isteıdi. 1000-nan astam dáriger qalalyqtarǵa ekpe jasaýda. Kóbisi «qyzyl» aımaqtarǵa jumyldyrylǵan. Nur Otan partıasynan Almaty máslıhatynyń depýtaty, qalalyq kardıologıalyq ortalyqtyń bas dárigeri, «100 jańa tulǵa» jobasynyń jeńimpazy Almat Qodasbaev kovıdtik stasıonarlardaǵy jaǵdaıdy biledi.
«Biz koronavırýspen eki jyldan beri kúresip kelemiz. Osy ýaqyt ishinde bizdiń halyq maska taǵyp, áleýmettik qashyqtyqqa úırendi. Kádimgi qalypty ómirge oralýdyń ýaqyty keldi. Ol úshin ujymdyq ımýnıtetti qalyptastyrý kerek. Vırýsologtar men ǵalymdardyń arqasynda aýrýdyń aýyr aǵymynan qorǵaıtyn vaksınalar jasaldy. Búkil Eýropada adamdar belsendi túrde vaksınasıalanýda, biz jappaı vaksınalanýdyń tıimdi ekenin kórip otyrmyn», - dedi Almat Qodasbaev. Depýtat Almatynyń kardıologıalyq ortalyǵynda 600 medısına mamany jumys isteıtinin, onyń 90%-ynyń ekpe saldyrǵanyn aıtty. Qalǵandary dekrettik demalysta nemese densaýlyǵyna baılanysty medısınalyq qarsylyqtary bar.
VII shaqyrylymdaǵy qalalyq máslıhat depýtaty, "Aq jol" partıasynyń múshesi Asqar Bısqultanov burynǵy qalypty ómirge oralý úshin ujymdyq ımýnıtetke qol jetkizý qajettigin, antıkovıdtik ıneksıanyń arqasynda almatylyqtar ózderin jáne jaqyndaryn qaýipti ınfeksıadan qorǵaı alady dedi. Ol qoǵamdyq jumystan ózge temir-beton zaýytynyń dırektory ekenin, onda 300 qyzmetker jumys isteıtinin aıtty. Ol ótken jyly koronavırýstyq ınfeksıasy derti asqynyp turǵan kezde kadrlardyń jetispeýshiligin esine alady.
«Bul vırýstyń vırýlenttiligin kózimizben kórdik. Qoldanylǵan sanıtarlyq-epıdemıologıalyq sharalar bizdi qutqardy. Bizdiń qyzmetkerlerdiń barlyǵy maska rejımin ustandy, ashyq aýada jumys jasady. Biz jappaı juqtyrýdyń aldyn aldyq», - dedi Asqar Bısqultanov.
"Aq jol" partıasynyń depýtaty óziniń koronavırýspen aýyrǵanyn aıtty jáne ony basqa respıratorlyq ınfeksıalarmen salystyrǵanda óte qaýipti dert dep sanaıdy.
«Bul aýrýdyń aldyn alýǵa nemese ony jeńildetýge múmkindik bar, sondyqtan vaksına saldyrý qajet. Jańa shtamdar paıda bolýda, sımptomdar ózgerýde. Kezinde adamzat polıomıelıt, oba, ıspan tumaýy jáne basqa da kóptegen juqpaly aýrýlardy jeńdi, búgin bizde zamanaýı vaksınalar arqyly koronavırýsty jeńe alamyz. Bizdiń zaýytta jumysshylardyń kóbi vaksına aldy», - dedi Asqar Bısqultanov.
Epıdemıologtardyń aıtýynsha, ımýndyq qabat koronavırýstan jappaı qorǵanys úshin jetkiliksiz. Almatyda «delta» shtamynyń taralýy densaýlyq saqtaý júıesine júktemeni eki ese arttyrdy. Qalanyń ınfeksıalyq stasıonarlarynda 6 myńnan astam naýqas emdelýde, onyń 169-y balalar.
Bes balanyń ákesi, «Aýyl» HDP depýtaty Qýanysh Turabaevty da koronavırýs ınfeksıasy alańdatady. Ujymdyq ımýnıtetti qalyptastyrý arqyly ata-analar balalarynyń qaýipsizdigine senimdi bola alady. Máslıhat depýtaty vaksınalaný burynǵy qalypty ómirge oralýǵa septigin tıgizetinine senimdi.
Aıta keterligi, sońǵy eki aptadaǵy jas quramyn taldaý kórsetkendeı, derti burynǵydaı 20-39 jas aralyǵynda órship tur, tirkelgeni - 33,5%, 40-59 jas – aralyǵynda 25,2% jáne 60 jastan asqandar arasynda - 23,1%. Qalǵan 18% balalar men jasóspirimder arasynda.
«Pandemıa bilim berý júıesine aıtarlyqtaı zıan keltirdi. Vaksınalaný – mańyzdy. Bul qorǵanýdyń jalǵyz tıimdi joly. Men vaksınany áriptesterime, otbasyma juqtyrmas úshin aldym. Bul qoǵam aldyndaǵy, adamdardy qoraǵýdaǵy jaýapkershilik», - dedi depýtat Qýanysh Turabaev.
Qazaqstannyń halyq partıasynan qalalyq máslıhatynyń depýtaty Nursultan Shoqanov koronavırýsqa qarsy egilýge shaqyrdy.
«Men vaksınalanýdyń qalypty ómirge oralýdyń birden-bir senimdi ádisi dep sanaımyn. Eki jyl boıy biz pandemıa jaǵdaıynda boldyq, buǵan núkte qoıatyn ýaqyt jetti. Meniń búkil otbasymdy vaksınalanady, áriptesterim úshin jaýapkershilikti óz moınyma aldym jáne olardyń da vaksınalanýyn suradym», - dedi Nursultan Shoqanov.
Aıta keterligi, sońǵy táýlikterde 3894 adam birinshi komponentpen, al 7357 adam ekinshi komponentpen vaksınalandy. 01.02.2021-26.08.2021 aralyǵynyń barlyq kezeńinde 856 899 adam I komponentpen, 706 424 adam II komponentpen egildi. Qalada medısınalyq uıymdarda, mektepterde, mádenıet jáne sport nysandarynda, bazarlarda jáne qalanyń SOSO 160 vaksınalaý pýnkti bar (250-ge deıin ulǵaıtý múmkindigimen). 1028 adamnan turatyn 237 vaksınalaý brıgadasy tartylǵan.