– Joldaý biz úshin óte mán-maǵynasy aýqymdy shara bolyp tur. Bizdiń saıasattaný salasynda júrgen ǵalymdardyń oı-pikiri erekshe oryn alady dep sanaımyz. Negizgi ustanym – saıası modernızasıa. Bul degenimiz jańa beleske kóterilý degendi bildiredi. Sonymen qosa «saıası tranzıtke» baılanysty suraqtar da ózektiligin tanytýda. Muny qoǵam tarapynan kóterip jatqandar bar. Jalpy Qazaqstannyń bolashaǵynyń qamy bárinen bıik turýy kerek. Sonda ǵana órkendeý jolyna qadam basamyz.
Eń bastysy memleketimizdiń damýy men ál-aýhatynyń artýy bárinen mańyzdy. Onyń syrtynda saıası hám ekonomıkalyq saýattylyqqa da den qoıǵan abzal. Bizdiń ınstıtýtta sarapshylar, saıası kózqarasy ashyq azamattar, ǵalymdar bas qosyp, elimizde ótip jatqan saıaı ári áleýmettik júıelerdi talqylap otyrady. Ózimiz de ún qosyp, jańa baǵyttar aıqyndaýǵa múddelimiz. Joǵarydan kóterilgen bastamalarǵa tek qana qoldaý bildirip qana qoımaı, óz oıymyzdy ortaǵa salǵan jón dep bilemiz. Prezıdenttik saılaý naqty nárse. Degenmen keıbir jaǵdaıda qarama-qaıshylyq tustary da ushyrasady. Ony jan-jaqty, tıanaqty, egjeı-tegjeı zerttegenimiz jón. Sebebi el men jer barshamyzǵa ortaq qundylyq.
Biz úshin Qazaq eliniń abyroıy men bıik belesterdi baǵyndyrýynan artyq eshqandaı baqyt joq. Sondyqtan osy jolda árbirimiz oı-pikirimizdi aıtyp, damýǵa, órkendep-ósýge baılanysty usynystardy bildirip júrgenimiz abzal.