Almaty qalasynyń Áýezov aýdanynda "Naýryznama" merekelik aptalyǵy aıasynda Ulttyq sport túrlerine arnalǵan kún uıymdastyryldy. Bul sharaǵa "Shyńǵa órleý" áleýmettik klýbynyń tárbıelenýshileri qatysyp, arqan tartý, asyq atý, toǵyzqumalaq, tymaq urý, armrestlıng sıaqty dástúrli oıyndarda ózara baq synady, dep habarlaıdy Aqshamnews.kz
"Shyńǵa órleý" qoǵamdyq qorynyń dırektory Býlat Ábishevtiń aıtýynsha, bul shara balalardyń oılaý qabiletin, jyldamdyǵy men eptiligin damytyp qana qoımaı, olardy ulttyq qundylyqtardy qurmetteýge, úlkenderdi syılaýǵa, patrıottyq sezimdi qalyptastyrýǵa baýlıdy.
Kóktemniń shýaqty kúni saıyskerlerge kóterińki kóńil-kúı syılady. Jarystyń belsendi qatysýshysy Álınur Qaıdarov arqan tartý saıysynda jeńimpaz atandy.
"Búgin ulttyq oıyndardy oınaý úshin keldik. Maǵan ásirese asyq atý qatty unaıdy. Al arqan tartý saıysynda jeńimpaz bolǵanyma erekshe qýanyshtymyn. "Shyńǵa órleý" klýby maǵan tegin bilim alyp, túrli úıirmelerge qatysýǵa múmkindik beredi. Barshańyzdy Naýryz merekesimen quttyqtaımyn!" – dedi jas jeńimpaz.