Naýryznama merekelik aptalyǵy aıasynda Qazaq ulttyq agrarlyq zertteý ýnıversıtetinde Ulttyq sport kúnine oraı stýdentter arasynda jarystar ótti.
Ýnıversıtet stadıonynda jastar sadaq atý, qazaq kúresi, asyq atý, toǵyzqumalaq, armrestlıng sıaqty dástúrli sport túrlerinen ózara saıysqa tústi.
QazUAIÝ rektorynyń orynbasary Aıtjan Ábdirov te jarysqa qatysyp, sadaq tartyp, nysanaǵa dóp tıgizýge talpyndy. Ol stýdenttermen birge kezekke turyp, ulttyq sport túrlerin óz kózimen tamashalap, keıin óz oıymen bólisti.
– Barsha qazaqstandyqtardy Naýryz merekesimen quttyqtaımyn! Ulttyq sport kúnin uıymdastyrýdaǵy maqsatymyz – stýdentterimizge dástúrli oıyndar arqyly Uly dala rýhyn sezindirý. Ulttyq merekeler kezinde oınalatyn qyzyqty ári paıdaly oıyndardy jańǵyrtý arqyly biz óz bolashaǵymyzǵa senimdi qadam basamyz. Aýyl sharýashylyǵy men mal sharýashylyǵy salasynda qyzmet etetin bolashaq mamandarǵa tek ǵylymı bilim ǵana emes, sonymen qatar ulttyq mádenıetti taný da asa mańyzdy. Sebebi, halqymyz ejelden beri kúsh pen tózimdilikti joǵary baǵalaǵan. Al sportpen aınalyspaı, dene tárbıesimen aınalyspaı, qazirgi zaman jastarynyń óz ornyn tabýy qıyn, – deıdi Aıtjan Ábdirov.
