Balalardy vaksınalaý - bul óte mańyzdy
Almaty qalalyq qoǵamdyq densaýlyq saqtaý basqarmasynyń basshysy Narıman Tabynbaev mektepterde vaksınalaý úshin 12 jastan asqan balalardyń tizimi jasalyp jatyr degen aqparattyń shyndyqqa janaspaıtynyn aıtty, dep habarlaıdy Almaty-akshamy.kz QazAqparat saıtyna silteme jasap.
«Balalardy vaksınalaý - bul óte mańyzdy másele. Ol ata-ananyń ruqsatymen erikti túrde júrgiziledi. 12-17 jas aralyǵyndaǵy jas quramyna tek mektep oqýshylary ǵana emes, sonymen qatar 18 jasqa tolmaǵan birinshi kýrs stýdentteri de kiredi. Biz qazir tizim daıyndap jatqan joqpyz, bul alyp-qashpa sóz dep sanaımyn. Biz túsindirý jumystaryn bastap, ata-analar erikti túrde kelisimin bergende ǵana vaksınany alǵysy keletin qansha bala bar ekenin bile alamyz», - dep jaýap berdi ortalyq komýnıkasıalar qyzmetinde ótken brıfıńte Narıman Tabynbaev.