Bul qarýdyń ekinshi nusqasy Sankt-Peterbýrgtegi Ermıtaj murajaıynda saqtalyp tur.
Parıjdegi aýksıonda Bonaparttyń tarıhı jádigeri 4,7 mıllıon eýroǵa baǵalandy. Fransýz ımperatory Napoleonnyń qylyshynyń satylǵanyn Hotel Drouot aýksıon saıtyna silteme jasap Le Figaro habarlady.
Qarý alǵashynda 700 000 eýrodan 1 mıllıon eýroǵa deıin baǵalanǵan. Bássaýdada satylǵan qylyshqa "Napoleon dáýiriniń eń qymbat artefaktileriniń biri" degen erekshelik qosa berilgen.
– Bul soma 2007 jyly 4,8 mıllıon eýroǵa satylǵan Marengo shaıqasyndaǵy semser rekordyna jaqyn, – dep jazylǵan habarlamada.
Aýksıon saýdasyn qyzdyra túsken qylysh Napoleonnyń jeke qarýy edi. Bonapart 1802-1803 jyldary Versal manýfaktýrasynyń dırektory Nıkolá-Noel Býtege qarýǵa tapsyrys bergen.
Napoleon I ımperator bolǵannan soń da bıliginiń sońyna deıin qarýlanyp júrdi. Sodan keıin ǵana qylyshty marshal Emmanýel de Grýchıge syıǵa tartty. Qarýdy osyǵan deıin qolbasshynyń urpaqtary saqtaǵan.
2021 jyly Bonaparttyń paradtyq qylyshy men 5 tapanshasy 2,87 mıllıon dollarǵa satylǵan-dy. Napoleonnyń bul qarýlardy 1799 jylǵy memlekettik tóńkeris kezinde qoldanǵany belgili.