Íle-Alatau ūlttyq tabıǵı parkíníń Ayusaı shatqalynda Nauryzbaı audanynyń mektep oqushylary men pedagogtarynyń qatysuymen auqymdy ekologıyalyq senbílík óttí, dep habarlaıdy aqshamnews.kz
Ís-shara «Taza Qazaqstan» jáne «Parkter sheruí – 2025» ekologıyalyq aktsıyalary ayasynda ūıymdastyryldy. Sharany ūıymdastyrushy — Almaty qalasy Bílím basqarmasy.
Mektep oqushylary men olardyń mūǵalímderí 3 gektar aumaqty tazalap, 2,5 tonna qoqys jınady. Senbílíkke qatysushylardyń bírí — 8 «A» synyp oqushysy Qaldybek Mıras pen ekoūıym jetekshísí Jaqypaqyn Shynar Nūrdáuletqyzynyń aıtuynsha, būl ekologıyalyq aktsıya tabıǵatqa tūtynushylyq kózqarasqa qarsy shyǵyp, qorshaǵan ortany qorǵauǵa jáne Almatyda ekologıyalyq turızmdí damytuǵa beıjaı qaramaıtyn jandardy bíríktírdí.
Nauryzbaı audandyq bílím bólímíníń basshysy Saltanat Qūsaıynovanyń aıtuynsha, Ayusaı shatqaly — qalanyń shekarasynda ornalasqanymen, tabıǵat ayasynda tynyǵuǵa múmkíndík beretín bíregeı oryn. Almaty tūrǵyndary men ońtústík astananyń qonaqtary būl jerge otbasylarymen kelíp, jayau júrgínshílerge arnalǵan soqpaq joldarmen seruendep, taza auamen tynystauǵa keledí.
«Balalarymyz erekshe áser aldy. Olar megapolıstí qorshaǵan tabıǵattyń sūlulyǵyn bala kezden sezíníp qana qoımaı, sony saqtap, bıologıyalyq ártúrlílíktí qorǵau qajettígín de túsíngení mańyzdy. Búgín ekologıyalyq mádenıettí qalyptastyra otyryp, bíz erteńgí jauapty ūrpaqty tárbıeleımíz», dep atap óttí Saltanat Qūsaıynova.
Nauryzbaı audanynyń mektep oqushylaryna qorshaǵan ortaǵa ūqypty qarau jáne taudaǵy qauípsízdík turaly taqyryptarda dáríster oqyldy. Būl ekologıyalyq senbílík olardyń ómíríndegí jarqyn estelíkterdíń bíríne aınalyp, ūzaq uaqyt jadyda qalary sózsíz.