Bul týraly Ónerkásip mınıstri Ersaıyn Naǵaspaev aıtty, dep habarlaıdy aqshamnews.kz
Jýrnalıser osyǵan deıingi eks-mınıstr Qanat Sharlapaev ýtıl alymǵa qatysty ustanymyn ashyq aıtqanyn aıtty. Tilshiler Ersaıyn Naǵaspaevtan osy máselege qatysty kózqarasy qandaı ekenin surady.
"Qanat Bısembaıuly óte kóp jumys istedi. Úkimet múshesi, mınıstr retinde pozısıam Úkimettikimen úndesedi. Sondyqtan eshqandaı ózgerister bolmaıdy", - dedi Ersaıyn Naǵaspaev Úkimet otyrysynan keıingi brıfıńte.
Tilshiler "Otandyq avtoóndiriste ekonom sanattaǵy eń qoljetimdi túri qanshadan bolyp jatyr? Eń tómengi aılyq, ıaǵnı 85 myń teńge alatyn qazaqstandyq otandyq óndiristen eń arzan kólik satyp alý úshin qansha jyl aqsha jınaý kerek?" dep naqtylady.
Bul saýalǵa Ónerkásip komıtetiniń tóraǵasy Azamat Panbaev jaýap berdi.
"Qazaqstanda avtokólik óndirisimen 8 ónerkásiptik keshen aınalysady. Onyń ekeýi jeńil avtokólik óndirisine baǵdarlanǵan. Qostanaıda jáne Almatyda ornalasqan. Jeńil ónerkásip boıynsha olardyń byltyrǵy óndiris kólemi 134 myń boldy. Eń tómengi sanattaǵy avtokólik quny 6 mln teńgege jýyq. (…) Jalaqy máselesi bizdiń mınıstrliktiń tikeleı quzyretine kirmeıdi. Biraq matematıkalyq turǵydan alsańyz, 6 mln teńgeni 85 myń teńgege bólesiz ǵoı", - dedi Azamat Panbaev.