20 jastaǵy almatylyq mánerlep syrǵanaýshy Mıhaıl Shaıdorov jaqynda ǵana Harbındegi Azıa oıyndarynda úshinshi nátıje kórsetken edi. Endi mine, Seýlde «Tórt qurlyq» týrnırinde aldymen qysqa baǵdarlamany, sodan keıin erikti baǵdarlamany jeńip aldy. Sondaı-aq, ol óz ónerimen jarystyń shymyldyǵyn japty.
Alǵash ret jas jigit alty jasynda kónkı tebe bastady. Mánerlep syrǵanaýdan respýblıkanyń birneshe dúrkin chempıony atanǵan ol jattyǵýdy ákesi Stanıslav Shaıdorovtyń basshylyǵymen bastady. Sodan keıin 2018 jyly Sochıdegi jańa jattyqtyrýshyǵa aýysady. Búginde ol Reseıden kelgen birinshi Olımpıada chempıony Alekseı Ýrmanovtyń qolastynda jattyǵady. Shaıdorov – Ýrmanov tandemin qazir sport súıerqaýym jaqsy biledi. Alǵashqy jetistik 2022 jylǵy jasóspirimder arasyndaǵy álem chempıonatynda boldy. Sodan keıin qazaqstandyq kúmis júldeger atanyp, eki qoıylymnyń nátıjesi boıynsha amerıkalyq Ilá Malınınnen jeńilip qaldy. Mıhaıl buǵan deıin eki jyl qatarynan «Tórt qurlyq» týrnırinde besinshi orynǵa turaqtaǵan edi, 2024 jyly 6-oryn nátıjesin kórsetti.
Sonymen qatar, ol eresekter arasyndaǵy úsh álem chempıonatyna qatysqan sportshy. Sońǵy ekeýinde Mıhaıl planetanyń úzdik 14 sportshysynyń qataryna enip, eki ret Gran-prı júldegeri atandy. Bıylǵy jyl jerlesimiz úshin sátti bastalǵanyn jankúıer qaýym jaqsy biledi. Kóptegen sarapshylar jaqynda Azıa oıyndarynyń jeńimpazy atanǵan Chhan Chjýn Hvanǵa artyqshylyq bergen edi. Muz ıesiniń deńgeıinen asyp túsý qıynnyń qıyny. Alaıda, qazaqstandyq mánerlep syrǵanaýshyǵa mýzykany qatelesip qoıý da kedergi bolmady. Jarysta onyń kompozısıasy qoıylmady. Qazylar alqasymen sózge kelýge týra keldi. Onyń mýzykasy oınaǵan kezde, ol óziniń baǵdarlamasyn eki kvadratty, sonyń ishinde kvadrat lýsty (barlyq kónkı tebýshiler oryndaýǵa batyly jetpeıtin kúrdeli sekirý) oryndaı otyryp, minsiz oryndady. Sonymen qatar, erekshe aksel jáne basqa da komponentter oryndaldy. Bul onyń joǵary baǵa jınaýyna múmkindik berdi. Mıhaıl Shaıdorovtyń mansabyndaǵy alǵashqy iri jeńis. Aıtpaqshy, osydan týra 10 jyl buryn dál osy arenada taǵy bir almatylyq Denıs Ten jeńimpaz atanǵan edi. Ózine deıingi sportshynyń osyndaı jetistigin eske alǵan Mıhaıl týrnır aldynda: «Denıs álemge Qazaqstanda mánerlep syrǵanaý bar ekenin pash etti. Endi meniń de jer jahanǵa bul týraly jarıalaýyma múmkindik bar» degen edi.
Mıhaıl Qazaqstanda jańa chempıondar ósip kele jatqanyn taǵy bir dáleldedi.