Qazaqstan azamattary jaramdylyq merzimi ótip ketken jeke kýálik jáne pasport úshin qansha aıyppul tóleıdi? Aqshamnews.kz materıalda tarqatady. Bul týraly ákimshilik quqyq buzýshylyq týraly zańnamada kórsetilgen.
Eger azamat jeke kýáligi bolmasa, ne onyń merzimi ótip ketken bolsa nemese turǵylyqty mekenjaıy boıynsha tirkeýsiz bir aıdan astam ýaqyt tursa, onda oǵan 8 aılyq eseptik kórsetkish kóleminde aıyppul salynady. 2025 jylǵy esep boıynsha bul soma - 29 536 teńge.
Al shetel azamattary nemese azamattyǵy joq tulǵalar Qazaqstanda on kúnnen artyq ýaqyt turaqty tirkeýsiz, yqtıarhatsyz ne jeke kýáliksiz júrgen jaǵdaıda, olarǵa 10 aılyq eseptik kórsetkish mólsherinde aıyppul salynady, ıaǵnı 36 920 teńge tóleýge mindetteledi.
Al pasport erikti qujat sanalady. Sondyqtan onyń merzimi ótip ketse aıyppul salynbaıdy.