Almatyda jasóspirimder men jastarǵa tegin ári jasyryn kómek kórsetetin jastardyń 14 ortalyǵy jumyc isteıdi
Mamyr aıynyń 12-16 aralyǵynda, Prezıdenttiń janyndaǵy Ulttyq komısıanyń qoldaýymen Qazaqstanda respýblıkalyq reprodýktıvti densaýlyq aptasy ótpek. Bul bastamaǵa Almaty da qosyldy. Óńirlik komýnıkasıalar qyzmetindegi pres-konferensıada aldaǵy osy aptanyń qalaı ótetinin aıtty, dep habarlaıdy aqshamnews.kz
Almaty máslıhatynyń depýtaty, ákimniń genderlik másele jónindegi shtattan tys keńesshisi Aıgúl Shalbaevanyń aıtýynsha, Almaty bul aksıany qoldap qana qoımaı, úlken is-sharalar da ótkizbek.
«Mektepterde, kolejder men oqý oryndarynda qazir ártúrli kezdesý men ashyq esik kúnderi ótip, dárigerler qarap, leksıalar ótip, jasóspirimdermen, olardyń ata-anasymen, muǵalimdermen sóılesip jatyrmyz. Bul qulaqtandyrý jumysy ǵana emes, densaýlyqqa jaýapty qaraýǵa shaqyryp, osyǵan qoǵamnyń nazaryn aýdarmaqpyz», - deıdi Aıgúl Shalbaeva.
Ekspertter mundaı is-sharany ótkizýdiń paıdasy kóp ekenine toqtaldy. Zertteýge qaraǵanda, AITV týraly jasóspirimderdiń 9 paıyzy ǵana tolyq bilse, árkimniń aıtqanyna senip, adasyp júrgen 60 paıyzy odan qalaı saqtanyp, júktilikten qalaı qorǵaný kerektigin múldem bilmeıdi.
«Biz osyny ashyq aıtyp, kózin ashqymyz keledi qoǵamnyń. Bul jumysqa mamandardy, dárigerlerdi, júrgizýshilerdi, eriktilerdi, BAQ ókilderi men ata-analardy da tartyp jatyrmyz sondyqtan. Chat-bottar, sıfrlyq resýrstar arqyly, halyqpen betpe-bet kezdesip, BAQ arqyly da osyny jan-jaqty túsindirýdi qolǵa aldyq qazir», - dedi depýtat.
Jastar densaýlyǵy ortalyqtarynda ashyq is-sharalar, leksıalar ótip, jasóspirimdermen áńgimelesip, olarǵa osy júktilik jasy, psıhıkalyq kóńil-kúıi týraly jan-jaqty aqparat beriledi.
Qalada qazir terapevt, gınekolog, ýrolog, dermatolog, áleýmettik qyzmetker, zańger sıaqty 128 mamany bar osyndaı 14 ortalyq jumys istep jatyr.
«Ortalyqtar «4-D» negizdemesimen jumys isteıdi. Iaǵnı, barynsha ashyq bolyp, bir-birine degen senim qalyptasady onda. Bul degen MÁMS aıasynda tegin qyzmet kórsetý, syr aqtaryp, jastardy mazalaǵan másele týraly oı bólisip, suqbattasý degen sóz», - deıdi, Almatynyń Qoǵamdyq densaýlyq basqarmasynyń JDO-ny damytý jónindegi úılestirýshisi Dına Qusaıynova.
Jastar densaýlyǵy ortalyǵynda mynandaı qyzmet kórsetedi:
- Kontrasepsıa, otbasyn josparlaý, AITV, JJJI týraly keńes beredi;
- Juqpaly aýrýdy anyqtap, ony emdeýdi;
- Zorlyqqa ushyraǵandarǵa qoldaý kórsetýdi;
- Adamnyń kóńi-kúıine qaraı keńes berip, áleýmettik beıimdeýdi;
- Zańgerdiń kómegi;
- Aýrýdyń aldyn alý, leksıalar men trenıńter ótkizý, onyń ishinde SÓS baılanysty máseleler de bar.
Jastar densaýlyǵy ortalyǵynda art-terapıanyń, ózine qol jumsaýǵa beıim turatyn adamdarǵa qol ushyn beretinderdiń, júktilerge trenıń jasaıtyndar men kópshilikke keńes beretin psıhologtardyń orny erekshe.
«Ortalyqta budan bólek 4-shi býyndaǵy jańa test-jolaqpen AITV-ǵa da test tapsyrady. Testileý úsh kezeńnen turady. Olar – basynda, is-sharadan keıin, sosyn SPID ortalyǵyna jibergende», - deıdi Dına Qusaıynova.
Jastar jaǵy naqty bir emhanaǵa bekitilmeı-aq, ortalyqqa kelip qarala berse bolady. Bárin qupıa ustaǵysy kelgenderdiń jeke basy týraly málimet esh jerde jarıalanbaıdy.