Bıyl baıqaýǵa 8 aýdannan 193 otbasy qatysýǵa nıet bildirgen
Almatydaǵy áleýmettik qyzmetter úıinde «Mereıli otbasy-2022» ulttyq baıqaýynyń komısıa otyrysy ótti, dep habarlaıdy Almaty-akshamy.kz Almaty.tv-ge silteme jasap.
Bıyl baıqaýǵa 8 aýdannan 193 otbasy qatysýǵa nıet bildirgen. Ár aýdannan ozyp shyqqan januıa Almaty qalasynyń atynan respýblıkalyq baıqaýǵa jiberiledi. Uıymdastyrýshylardyń aıtýynsha, «Mereıli otbasy» konkýrsynyń saltanatty marapattaý rásimi tamyz aıyna josparlanǵan.
«Búgin Almatyda «Mereıli otbasy» ulttyq konkýrsynyń qalalyq komısıasynyń otyrysy ótti. Jalpy bul konkýrs 2014 jyldan beri ótip keledi. Almaty qalasy jyl saıyn konkýrsqa belsendi qatysady. Óte mańyzdy dep oılaımyn. Óıtkeni elimizde otbasy qundylyqtaryn nasıhattaý, úlgili otbasyn eldiń aldyna shyǵaryp kórsetý – ózekti másele», – dedi Qoǵamdyq damý basqarmasy basshysynyń mindetin atqarýshy Aıdar Esenbekov.