Komıtet 30 jyl buryn quryldy
Búgin – Ulttyq qaýipsizdik komıteti kúni, dep habarlaıdy Almaty-akshamy.kz QazAqparat-qa silteme jasap. Osydan týra 30 jyl buryn 1992 jyldyń 13 shildesinde el Prezıdentiniń Jarlyǵymen Qazaqstan Respýblıkasynyń Ulttyq qaýipsizdik komıteti quryldy. Búginde Ulttyq qaýipsizdik komıteti óz quzyreti sheginde Qazaqstan Respýblıkasy ulttyq qaýipsizdik organdarynyń biryńǵaı júıesine, barlaý, qarsy barlaý, jedel-izdestirý qyzmetine, memlekettik shekarasyn kúzetýge, úkimettik baılanys qyzmetine jáne «A» arnaýly maqsattaǵy qyzmetine basshylyqty, onyń quzyretine jatatyn qyzmet salalarynda vedomstvoaralyq úılestirýdi, sondaı-aq memlekettik qupıalardy qorǵaý salasyndaǵy biryńǵaı saıasatty júzege asyrady jáne Qazaqstan Respýblıkasynda memlekettik qupıalardy qorǵaý jónindegi ýákiletti organ sanalady. Táýelsizdik jyldary ishinde Sırıadaǵy soǵysqa attanǵan otandastarymyzdy elge oraltýǵa baǵyttalǵan «Jýsan» operasıasyn, halyqaralyq terorıstik uıymdardyń Qazaqstandaǵy qurylymdaryn joıýǵa operasıalardy sátti júzege asyrdy. Sonymen qatar ıadrolyq otyn retinde qoldanylǵan joǵary baıytylǵan ýrandy Qazaqstannan shyǵarý ári tasymaldaý jónindegi joba «Sapfır», shet memlekettiń agentteri men barlaýshylaryn ustaý úshin ázirlengen «Vıktorıa» operasıalary barysynda kásibı biliktilikterin tanytty. «Gorka», «Taıfýn» syndy biregeı operasıalardy júzege asyryp, halyqaralyq esirtki bıznesiniń jolyn kesti.