Memleket basshysy Qatardyń Power International Holding kompanıasynyń ıeleri Ramez Ál-Haıat pen Mýataz Ál-Haıatty qabyldady
Kezdesý barysynda Prezıdent elimizdiń Taıaý Shyǵystaǵy strategıalyq seriktesi sanalatyn Power International Holding kompanıasy Qazaqstan men Qatar arasyndaǵy ekonomıkalyq baılanystardy jolǵa qoıý isine tyń serpin beretinin atap ótti.
Sonymen qatar kezdesýde energetıka jáne geologıalyq barlaý salalaryndaǵy yntymaqtastyq máseleleri qarastyryldy. Budan bólek, aýyl sharýashylyǵy, development-jobalardy iske asyrý, densaýlyq saqtaý baǵyttaryndaǵy qarym-qatynastardyń perspektıvalary talqylandy.
Qasym-Jomart Toqaev ekonomıkany damytý boıynsha Qazaqstanda keshendi sharalar qabyldanyp jatqanyn jáne shetelden tikeleı ınvestısıa tartý úshin barlyq jaǵdaı jasalǵanyn aıtty.