Qaıtys bolǵan adamnyń qaryzynan qashan qutylý kerek?
Oqyrmandar saýalyna Nurlan ımam Baıjigituly jaýap berdi.
Sol kúni berý kerek. Bir kúni qaryzdy bireý tóleımin degende Paıǵambarymyz (oǵan Allanyń salaýaty men sálemi bolsyn) Tań namazynda surady. «Qaryzyńdy berdiń ba?», -degende, «Endi namazdy oqydyq qoı, qalaı berem»,-degen.
Paıǵambarymyz (oǵan Allanyń salaýaty men sálemi bolsyn) qaryz degende qadalyp turdy. Ne úshin? Keshirip jiber dep aıtsa da bolar edi. Joq. Moıyndaryńa aldyńdar ma, qaryzyn berińder! Ásirese, janazada.
Kóp adamdar janazada ákesiniń nemese týysynyń qaryzyn tóleımin dep shyǵady. «Tóleısiń ǵoı»,-degende tóleýdi moınyna alady. Sóıtedi de qaryzdy tólemeıdi. Balalaryn qaqsatady. Dúnıesine talasady. Qıamettiń kúninde amalyńnan solaı jurdaı bolasyń. Bul dúnıede abyroıyńnan aıyrylasyń. Qaryz máselesine qatty turyńyzdar. Dúnıe toqtasa toqtap qalsyn, qaryzdy berińiz! Qaryzbenen tamaq ishpeńizder! Qaryzben kóshege shyqpańyzdar! Ne isteseń o iste! Biraq qaryzdy berińizder! Qaryz eń birinshi turýy tıis.
Qurandaǵy eń uzyn súre qaryz týrasynda. Qaryzdy berý - paryz! Janaza oqylmaı qoıady dep qorqytady. Ne úshin? Óıtkeni onyń dárejesi joǵary bolǵany úshin. Qaryzdy alǵandar, berem dep bermeı júrgender oılanǵany abzal. Qaryz alyp Mekkege baratyndar da bar. Qudaı saqtasyn! Oılanǵany jón.