Jańa maýsymda qalany tazalaýǵa jańa tehnıka, onyń ishinde Qazaqstanda alǵash ret elektrokarlar paıdalanylady. Jańa mashınalardy qoldaný qalalyq mańyzy bar magıstraldar men kósheler boıyndaǵy qaýipti qol eńbeginen tolyq bas tartýǵa múmkindik beredi, dep habarlaıdy almaty-akshamy.kz
«Almaty tazalyq» MKK úshin qalalyq búdjetten qosymsha 101 birlik arnaıy tehnıka satyp alý josparlanǵan (onyń 29-y jetkizilgen). Bul 17 sypyrǵysh-vakýýmdyq jınaý mashınasy, 10 samosval, 12 trotýar jınaý mashınasy, 9 qoqys tasýshy, 5 shaǵyn traktor, 37 aralas jınaý mashınasy, 10 frezer jáne 1 manıpýlátor. Satyp alynatyn barlyq tehnıka ámbebap jáne qysqy jáne jazǵy mezgilde de paıdalanylady», - dedi Almaty qalasynyń komýnaldyq ınfraqurylymdy damytý basqarmasynyń basshysy Danıar Qyryqbaev.
Sonymen qatar, Qazaqstanda alǵash ret komýnaldyq qyzmetke elektrli komýnaldyq mashınalar keledi. Bul 18 kópfýnksıonaldy trotýar tazalaıtyn elektr kólik (onyń 6-sy jetkizilgen). Almaty qalasyn damytýdyń 2025 jylǵa deıingi baǵdarlamasyn iske asyrý jáne 2030 jylǵa deıingi orta merzimdi perspektıvalar aıasynda jyl sońyna deıin satyp alý kózdelgen.
Satyp alynatyn mashınalar ekologıalyq taza. Mysaly, Dulevo 6000 CNG – álemdegi jalǵyz mehanıkalyq sorǵy tazalaý tehnıkasy, bul ónimdilikke keri áser etpeıdi, mehanıkalyq tazalaýdan aıyrmashylyǵy shań shyǵarmaıdy. PONY R-4, R-3 jazda trotýarlardy nemese ǵımarattarǵa irgeles jerlerdi tazalaý nemese jýý, joldyń shetteri men jıekterinde shóp shabý, gúlzarlardy sýarý úshin paıdalanylady, al qysta qar tazalaý jáne trotýarlarda, kólik turaqtaryna jáne tar aleıalarda reagentterdi shashý úshin paıdalanýǵa bolady. Osylaısha, bul mashınalar ónimdilikti arttyryp, tazalaý ýaqytyn birneshe esege qysqartady.
