Memleket basshysy «Iandeks Global» kompanıasynyń bas dırektory Danııl Shýleıkony qabyldady.
Kezdesý barysynda Yandex Qazaqstan kompanıasynyń elimizdegi qyzmetiniń negizgi baǵyttary men aldaǵy josparlary talqylandy, dep habarlaıdy aqshamnews.kz.
Ásirese, ınternet-platforma arqyly halyqty jumyspen qamtý, jasandy ıntellekt (AI) tehnologıalaryn damytý jáne ulttyq mádenı murany sıfrlyq keńistikke engizý máseleleri erekshe nazarda boldy.
Prezıdent Qasym-Jomart Toqaev Yandex Qazaqstan-nyń Qazaqstandaǵy sıfrlyq transformasıaǵa qosqan úlesin joǵary baǵalady. Ol kompanıanyń shaǵyn jáne orta bıznesti qoldaý, azamattardyń ómir sapasyn arttyrý baǵytyndaǵy bastamalaryna oń kózqaras bildirdi. Sonymen qatar, memleket basshysy jasandy ıntellekt qarqyndy damyp jatqan qazirgi kezeńde ulttyq biregeılikti saqtaý men qazaq tili men mádenıetin zamanaýı tehnologıalar arqyly ilgeriletýdiń mańyzdylyǵyn atap ótti.
Óz kezeginde Danııl Shýleıko kompanıa platformasy arqyly jumyspen qamtý jobasynyń naqty nátıjelerimen bólisti. Onyń aıtýynsha, búginde 65 myńnan astam avtokólik júrgizýshisi «Iandeks. Taksı» seriktesi retinde áleýmettik qorǵaýǵa ıe bolyp otyr. Sonymen qatar, Astanada jańa ınovasıalyq jobalardy iske qosý josparlary jóninde baıandap, AI-Sana baǵdarlamasyna qatysýǵa daıyn ekenin rastady.
Kompanıanyń elimiz ekonomıkasyna qosqan úlesi de aıtarlyqtaı. 2024 jyly Yandex Qazaqstan Qazaqstanǵa 29,5 mlrd teńge kóleminde salyq tólese, 2016 jyldan beri jalpy ınvestısıa kólemi 225 mlrd teńgeden asty. Bul kórsetkishter Yandex-tiń Qazaqstandaǵy uzaq merzimdi ári turaqty seriktestikke beıildi ekenin aıǵaqtaıdy.