Túrkistan oblysy, J.Eralıev aýyldyq okrýginde ornalasqan «Orynbaı ata» sharýa qojalyǵy erte pisken qyryqqabattyń alǵashqy ónimin Reseıge eksporttady, dep habarlaıdy aqshamnews.kz ASHM-ge silteme jasap.
Sharýa qojalyǵynyń basshysy Nurlybek Jaıynbaevtyń aıtýynsha, «Magnýs» erte pisetin qyryqqabat tuqymy aqpan aıynyń sońynda sebilgen. Jaqynda onyń alǵashqy partıasy Reseı Federasıasynyń Perm qalasyna jóneltildi. Sharýa jaqyn kúnderi «Zarısma» sortty qyryqqabattyń ónimin kútýde jáne «Aeroport» sortty qaýyn egýdi josparlap otyr.
Jalpy, Jetisaı aýdanynda erte pisetin qyryqqabat 1158 gektar aýmaqqa egilgen, onyń 893 gektarynda sý únemdeý tehnologıalary qoldanylady. Boljam boıynsha, jalpy ónim kólemi 50 myń tonnaǵa deıin jetýi múmkin. Ónimniń basym bóligi Reseı, Belarýs jáne Eýropa elderine eksporttaýǵa baǵyttalǵan