«Ortalyq Azıa – Eýropa Odaǵy» samıtine qatysý úshin Samarqand qalasyna kelgen Qasym-Jomart Toqaev Eýropalyq Keńes Prezıdenti Antonıý Koshtamen kezdesý ótkizdi, dep habarlaıdy aqshamnews.kz
Eýropa Odaǵy Qazaqstannyń iri saýda seriktesi ári sheteldik ınvestory sanalady. Elimizge shetelden tartylǵan tikeleı ınvestısıanyń 40 paıyzdan astamy atalǵan uıymǵa tıesili. Byltyr Qazaqstan men Eýropa Odaǵyna múshe elderdiń taýar aınalymy 50 mıllıard dollarǵa jýyqtady. Bul Eýropa Odaǵy men Ortalyq Azıa elderi arasyndaǵy saýda-sattyq kóleminiń 80 paıyzyn quraıdy.
Kezdesýde ekonomıkanyń túrli sektorlaryndaǵy kópjosparly yntymaqtastyqty odan ári nyǵaıtý máseleleri qaraldy.
Qasym-Jomart Toqaev pen Antonıý Koshta ózara senimge, strategıalyq múddege jáne uzaqmerzimdi perspektıvaǵa negizdelgen Qazaqstan men Eýropalyq Keńes arasyndaǵy seriktestikti qarqyndy damytýdyń mańyzyn atap ótti.