Memleket basshysyna Densaýlyq saqtaý mınıstri vedomstvonyń jumysy jáne densaýlyq saqtaý júıesin damytý josparlary týraly baıandady, dep habarlaıdy almaty-akshamy.kz.
Qazirgi ýaqytta boljamdy ómir súrý uzaqtyǵynyń kórsetkishi 75 jastan asatyny jóninde aıttyldy. Jyl basynan beri ınfeksıalyq aýrýlardyń 21 túri boıynsha, sonyń ishinde koronavırýspen syrqattaný kórsetkishteri tómendegen. Vaksınasıalaý jáne profılaktıkalyq is-sharalardy júrgizý jumystary jaıyn sóz etti.
Medısınalyq qyzmettiń sapasyn jáne qoljetimdiligin arttyrýǵa basa nazar aýdarylǵany týraly esep berildi. Alǵashqy jáne stasıonarlyq medısınalyq kómekti uıymdastyrýdyń tásilderi qaıta qaralý barysyna toqtady. Sondaı-aq dıagnostıkalyq jáne emdeý standarttary jańartylyp, salanyń kadrlyq áleýeti nyǵaıyp jatqanyna toqtaldy.
Dári-dármek pen medısınalyq buıymdardy satyp alý júıesiniń tıimdiligi men ashyqtyǵy qamtamasyz etilip jatqany týraly aıtty. Budan bólek, medısınalyq mekemeler jumysynyń tıimdiligin arttyryp, mindetti áleýmettik medısınalyq saqtandyrýǵa baqylaýdy jaqsartý úshin zamanaýı sıfrlyq tehnologıalar ázirlengen. Olar qoldanysqa engizilý ústinde kenin baıandady.
Jańa medısınalyq nysandar salý jáne sala qyzmetteriniń sapasyn odan ári arttyrý máseleleri qamtylǵan Densaýlyq saqtaý ınfraqurylymyn damytýdyń 2025-2030 jyldarǵa arnalǵan strategıalyq jospary týraly aqparat berdi. Qabyldanǵan osy tujyrymdama aıasynda densaýlyq saqtaý uıymdarynyń ońtaıly jáne tıimdi jelisin qurýǵa baǵyttalǵan 34 negizgi jobany iske asyrý josparlanyp otyr.
Kezdesý sońynda Memleket basshysy ana men bala óliminiń kórsetkishterin tómendetý boıynsha jumysty jalǵastyrý qajet ekenin atap ótti. Sonymen qatar medısınalyq kómek kórsetýdiń meıilinshe nátıjeli bolýyna nazar aýdara otyryp, densaýlyq saqtaý júıesin sapaly túrde qaıta qurý kerektigine toqtaldy. Sondaı-aq salaǵa, onyń ishinde dári-dármekke bólinetin qarajattyń ashyqtyǵy men tıimdiligin qamtamasyz etý jóninde mindetter júktedi.