Almaty qalasy Óńirlik komýnıkasıalar qyzmetiniń alańynda ótken brıfıńte sóz sóılegen Medeý aýdanynyń ákimi Erkebulan Orazalın aýdanda sý kózderin salý jáne qoldanystaǵy sý júıelerin jóndeý jumystary júrgizilip jatqanyn aıtty, dep habarlaıdy almaty-akshamy.kz
E.Orazalınniń aıtýynsha, aýdan turǵyndaryn ortalyqtandyrylǵan sý júıesimen qamtý basym baǵyttardyń biri.
“«Kamenskoe plato», «Kólsaı, «Muztaý» jáne «Iýbıleınyı» shaǵyn aýdan turǵyndaryn turaqty sýmen qamtamasyz etý úshin qala ákiminiń tapsyrmasy boıynsha TJ jelisi arqyly jalpy kólemi 7,3 myń sharshy metrlik jeti rezervýar, úsh jańa uńǵyma salý jáne jalpy kólemi 500 sharshy metr bolatyn úsh qoldanystaǵy uńǵymany jańartý, 9,6 shaqyrym magıstraldyq jelilerdi salý jáne jańartý jumystary júrgizilýde”, - dep atap ótti Medeý aýdanynyń ákimi.
Qurylys-montajdaý jumystaryn aıaqtaý osy jyldyń 25 jeltoqsanyna deıin josparlanǵan.
Bıyl sáýir aıynda jalpy uzyndyǵy 46 shaqyrym sý qubyry jáne káriz jelileriniń qurylysy bastaldy. «Kólsaı», «Kensaı» shaǵyn aýdandary jáne Halıýllın kóshesindegi jumystardy 2023 jyldyń sońyna deıin aıaqtaý josparlanǵan.
«Kompot» shaǵyn aýdany, S.Nurmaǵambetov pen R. Baǵlanova kóshelerindegi jumystary osy jyldyń shilde aıynda bastaldy. Qurylys-montajdaý jumystary 2024 jyldyń qyrkúıeginde aıaqtalady.
«Dýman» shaǵynaýdanyndaǵy jalpy uzyndyǵy 23,7 shaqyrym jáne «Sulýsaı» shaǵyn aýdanyndaǵy sýmen jabdyqtaý jáne káriz jelilerin salý, jalpy uzyndyǵy 18,1 shaqyrym eki uńǵyma, sýmen jabdyqtaý jáne káriz jelilerin salýǵa arnalǵan jobalar boıynsha memlekettik saraptamanyń oń qorytyndylary alyndy. Qurylys-montajdaý jumystary 2024 jylǵa josparlanǵan.
Sondaı-aq, «Alataý», «Atyraý» sh/a jáne Malaıa Stanısa aımaǵynda (32 kóshe) sýmen jabdyqtaý jáne káriz jelilerin salý boıynsha JSQ ázirlenýde. Saraptama 2024 jyldyń I toqsanynda shyǵady dep kútilýde.
Sondaı-aq «Alataý», «Atyraý» shaǵyn aýdandary men Malaıa stanısa aımaǵynda sýmen jabdyqtaý jáne káriz jelilerin salýǵa jobalyq-smetalyq qujattama ázirlenýde. Saraptama 2024 jyldyń birinshi toqsanynda shyǵady dep kútilýde.