Astanada jyl saıyn dástúrli túrde ótetin bıznestiń áleýmettik jaýapkershiligi jónindegi «Paryz» respýblıkalyq baıqaýynyń jeńimpazdaryn marapattaý rásimi ótti.
EKSPO kongres-ortalyǵynda ótken is-sharaǵa memleket basshysy Qasym-Jomart Toqaev, Parlament depýtattary, ortalyq memlekettik organdar men respýblıka kásiporyndarynyń basshylary qatysty.
Bıyl konkýrsqa qatysýǵa 492 uıym ótinim berdi. Onyń 161-i – iri kásipkerlik, 331-i – shaǵyn jáne orta kásipkerlik sýbektisi. «Úzdik áleýmettik jaýapty kásiporyn» nomınasıasynda 250 ótinim, «Eńbekti qorǵaý salasyndaǵy úzdik kásiporyn» nomınasıasynda 87 ótinim, «Úzdik ujymdyq shart» nomınasıasynda 67 ótinim, «Ekologıaǵa qosqan úlesi úshin» nomınasıasynda 48 ótinim, 2020 jyldan bastap taǵaıyndalǵan «Jyldyń úzdik áleýmettik jobasy» arnaıy syılyǵymen marapattaýǵa 40 ótinim tústi.
Ortalyq memlekettik organnyń basshylarynan, Parlament depýtattarynan, bıznes jáne kásibı odaqtardyń ókilderinen qurylǵan komısıa quramy respýblıkalyq konkýrstyń nátıjesin kelesideı anyqtady: eki sanat boıynsha 2 Gran-prı, 26 laýreat ataǵy (onyń 24-i – eki sanatta tórt nomınasıa boıynsha úsh júldeli oryn, qalǵan 2-eýi – «Jyldyń úzdik áleýmettik jobasy» arnaıy premıasynyń ıegerleri).
İri kásipkerlik sýbektileri arasynda bas júldeni Abaı oblysynyń «Baqyrshyq ken óndirý kásiporny» JSHS aldy. Shaǵyn jáne orta kásipkerlik sýbektileriniń ishindegi eń úzdigi Qyzylorda oblysynyń «Abaı Dáýlet» JSHS boldy.
«Úzdik áleýmettik jaýapty kásiporyn» nomınasıasy boıynsha iri kásipkerlik sýbektileri arasynda Atyraý oblysynyń «Kaspıı Qubyr Konsorsıýmy» AQ, Qaraǵandy oblysynyń «Nova Sınk» JSHS jáne Almaty qalasynyń «Koka-Kola Almaty Bottlers Birlesken kásiporny» jaýapkershiligi shekteýli seriktestigi» laýreat atandy. Shaǵyn jáne orta kásipkerlik sýbektileriniń arasynda Qostanaı oblysynyń «Turar» JSHS, Aqtóbe oblysynyń «Aqbóbek» ońaltý ortalyǵy» JSHS jáne Qaraǵandy oblysynyń «Shahterskoe» JSHS bar.
«Eńbekti qorǵaý salasyndaǵy úzdik kásiporyn» nomınasıasy boıynsha iri kásipkerlik sýbektileri arasynda: Astana qalasynyń «Elektrovoz qurastyrý zaýyty» JSHS, Aqtóbe oblysynyń «Sagız Petroleým Kompanı» JSHS jáne Aqmola oblysynyń «Jýravlevka-1» JSHS laýreat atandy. Shaǵyn jáne orta kásipkerlik sýbektileriniń arasynda Shyǵys Qazaqstan oblysynyń «Vydrıhınskoe» JSHS, Abaı oblysynyń «Semeı montaj fırmasy-Imstalkon» JSHS jáne Pavlodar oblysynyń «Pobeda» JSHS jeńimpaz atandy.
«Úzdik ujymdyq shart» nomınasıasy boıynsha iri kásipkerlik sýbektileri arasynda Batys Qazaqstan oblysynyń «Oral transformatorlyq zaýyty» JSHS, Astana qalasynyń «DAR RAIL» JSHS jáne Aqmola oblysynyń «RG Gold» JSHS laýreat atandy. Shaǵyn jáne orta kásipkerlik sýbektileriniń arasynda Mańǵystaý oblysynyń «TrýbRemSentr» JSHS, Soltústik Qazaqstan oblysynyń «Novomıhaılovskoe-2003» JSHS jáne Aqmola oblysynyń «Adjar ı K» JSHS marapattaldy.
«Ekologıaǵa qosqan úlesi úshin» nomınasıasynda iri kásipkerlik sýbektileri arasynda Batys Qazaqstan oblysynyń «QHSE-Akbarys» JSHS, Ulytaý oblysynyń «Adal Enbek KZ» JSHS jáne Túrkistan oblysynyń «KATKO» Qazaqstan-Fransıalyq birlesken kásipshiligi» JSHS úzdikter qatarynan kórindi. Shaǵyn jáne orta kásipkerlik sýbektileriniń arasynda Jambyl oblysynyń «M-KAT GRIN» JSHS, Shyǵys Qazaqstan oblysynyń «OstFish» JSHS jáne Qostanaı oblysynyń «EcoLabRecycling» JSHS laýreat atandy.
«Jyldyń úzdik áleýmettik jobasy» arnaıy syılyǵyn Shyǵys Qazaqstan oblysynyń «Kazsınk» JSHS iri kásipkerlik sýbektisi jáne Pavlodar oblysynyń oblysynyń «Galıskoe» JSHS shaǵyn jáne orta kásipkerlik sýbektileri sanatynyń ókilderi ıelendi.
Baıqaý jeńimpazdaryna tıisti dıplomdar men aıryqsha belgiler (statýetkalar) tabys etildi. Sondaı-aq laýreattarǵa konkýrs emblemasyn jarnamalyq maqsatta osy ataq berilgen kúnnen bastap úsh jyl ishinde paıdalaný quqyǵy beriledi.
Eske sala ketsek, 2008 jyldan beri «Paryz» baıqaýyna 6 893 kásipkerlik sýbektisi qatysyp, 393 kásiporyn laýreat ataǵyna ıe boldy.
Gran-prı júldesi óz salasynda joǵary kórsetkishke jáne korporatıvtik, áleýmettik, ekologıalyq jaýapkershilik qaǵıdattaryn iske asyrýda úzdik nátıjege jetken úmitkerlerge beriledi. İri kásipkerlik sýbektileriniń ishinen Gran-prı ıegerleri: 2008 jyly «Qazaqmys» korporasıasy» JSHS; 2009 jyly «Torǵaı Petroleým» AQ; 2010 jyly «SNPS-Aqtóbemunaıgaz» AQ; 2011 jyly «Teńizshevroıl» JSHS; 2012 jyly «QazTransOıl» AQ; 2013 jyly «Óskemen tıtanomagnıı kombınaty» AQ; 2014 jyly «Qazgermunaı» BK» JSHS; 2015 jyly «Samuryq Energo» AQ; 2016 jyly «AqsaıGazServıs» AQ; 2017 jyly «Eýrazıalyq Top» JSHS; 2018 jyly «Kazsınk» JSHS; 2019 jyly «Eýrazıalyq Top» JSHS; 2021 jyly «Qarashyǵanaq Pertolıým Opereıtıng B.V.»; 2022 jyly «Nort Kaspıan Opereıtıng Kompanı N.V.» boldy.