Bul týraly Almaty qalasy Óńirlik komýnıkasıalar qyzmetinde ótken brıfıńte Medeý aýdanynyń ákimi Erkebulan Orazalın málimdedi. Sondaı-aq, aryq jelilerin salý jáne jańartý jobasy aıasynda aýdanda uzyndyǵy 23,6 km bolatyn 31 kóshe boıynsha jumystar júrgizilip jatqanyn aıtty.
Búgingi tańda 18 kóshede 6 km jańa aryq jelileri salyndy. Úsh kóshede (Baıqońyr, Sháripova, Táttibekova – 1,2 km) qurylys-montajdaý jumystary aıaqtalýda. Qalǵan 10 kóshedegi 16,4 shaqyrymdy qamtıtyn jumystar 2024 jyldyń 4-toqsanynda aıaqtalady, bul aǵyndy sýlardy aıtarlyqtaı jaqsartyp, sý tasqynyn joıýǵa múmkindik beredi. ). Uzyndyǵy 16,4 shaqyrym quraıtyn 10 kóshe boıynsha jumystar 2024 jyldyń 4-toqsanynda aıaqtalady. Nátıjesinde, aǵyndy sýlar edáýir jaqsartyp, sý tasqynyn joıady dep kútilýde.
Jol jóndeý máselesine toqtalǵan Erkebulan Orazalın, qalalyq mobıldilik basqarmasy tarapynan uzyndyǵy 22,15 shaqyrym bolatyn 26 kóshede ortasha jóndeý jumystary aıaqtalǵanyn aıtty. Al ortalyqsyzdandyrý aıasynda aýdan ákimdigimen 2023 jyly 68 myń m2 joldardy aǵymdaǵy jóndeý aıaqtalyp, 75 kóshe jóndeldi.
Sondaı-aq, uzyndyǵy 24,5 shaqyrym quraıtyn 29 kóshede jaıaý júrginshiler jolyn retke keltirý jumystary aıaqtaldy. Aýdandaǵy 15 kósheniń boıynda (Gogol, Qaldaıaqov, Qabanbaı batyr, Bógenbaı batyr, M.Mámetova, Qonaev, Jangeldın kósheleriniń boıynda) irgeles aýmaqtardy abattandyrýmen qatar (qara topyraqty tegisteý jáne kógaldandyrý) 7,3 km jaıaý júrginshiler joly salyndy.
«Qoǵamdyq kóliktiń jyljymaly quramyn jańartý jumystary jalǵasýda. Búgingi tańda 218 avtobýstyń jyljymaly quramy jańartyldy (№8,13,17,29 R, 37,38,65,69,117,119,131,207,225). Jyl sońyna deıin taǵy 10 marshrýtta 249 avtobýs kóleminde jyljymaly quramdar (№79, 63, 50, 45, 32, 12, 92, 118, 120, 121) jáne 30 taý avtobýsy jańartylady», - dep atap ótti Medeý aýdanynyń ákimi.
E. Orazalın kóshelerdi jaryqtandyrý máselesine de toqtaldy. 1 qarashada «Almaty Qala Jaryq» MKK-men uzyndyǵy 649,8 shaqyrym aýdannyń 29 920 jaryq núktelerine qyzmet kórsetýge jáne syrtqy jaryqtandyrý jelilerin jóndeýge kelisim-shart jasaldy (syrtqy jaryqtandyrýdy basqarý shkaftary – 268 dana).
Búgingi tańda uzyndyǵy 1 027 shamdy jóndeý jumystary júrgizildi, 160 kabel jelisiniń úzilisteri, 66 jerde kabeldik tuıyqtalý joıyldy. Bul baǵyttaǵy jumystar jalǵasýda.