Medeý aýdany aýlalardy abattandyrýdy jalǵastyryp jatyr

Medeý aýdany aýlalardy abattandyrýdy jalǵastyryp jatyr Almaty qalasy ákimdigi

Dostyq kóshesi - 109 mekenjaıyndaǵy bul aýla bıyl jóndeletin 60 aýlanyń tizimine kirgen. Aýdan ákimdigi men Óńirlik komýnıkasıalar qyzmeti uıymdastyrǵan pres-týr kezinde jýrnalıser osyndaǵy jóndeý jumysymen tanysty.

Medeý aýdanynda 536 aýla bar, onyń 414-i memlekettik turǵyn úı qoryna jatady. Solardyń arasyndaǵy eń kóbirek tozǵanyna kúrdeli jóndeý júrgizilip jatyr. Jumys mamyr aıynda bastalǵan. Joba aıasynda balalar men sport alańy salynyp, jaryq qoıylyp, kógaldandyrý jaǵy qolǵa alynyp, demalý úshin qolaıly aımaqtar jasala bastady. Barlyq jumysty kúzdiń sońyna deıin aıaqtamaq oıda. Jobaǵa 2,6 mıllıard teńge bólingen.

Sonymen qatar, aýdan boıynsha «Halyq qatysatyn búdjet» baǵdarlamasy aıasynda 34 joba júzege asyp jatyr. 650-den astam turǵynnyń usynysy qaralyp, osy maqsatqa 2 mıllıard teńge bólinipti. 2025 jyldyń mamyrynan qyrkúıek aıyna deıin baǵdarlama boıynsha 22 aýlany jóndep shyqpaq. 


«Aýdan aýmaǵynda aýlalardy kúrdeli jóndeý men aǵymdaǵy jóndeý jumystary kezeń-kezeńimen júrgizilip jatyr. HQB aıasynda 22 aýla jańartyldy. Onyń ishinde jabyndardy aýystyrý, syrtqy jaryqtandyrý men kishi arhıtektýralyq nysandardy ornatý bar», - dedi Medeý aýdany ákiminiń orynbasary Azat Káketaev.

Ákimdiktegiler atap ótkendeı, 2023 jyly 80 aýlada aǵymdaǵy jóndeý jumys júrgizilip, HQB baǵdarlamasy boıynsha 27 aýlany abattandyryp shyqqan. 2024 jyly 13 aýlany jóndep, 46 aýlaǵa HQB baǵdarlamasy boıynsha abattandyrý jumysy júrgizildi. 2026 jylǵa deıin taǵy 31 aýlany kúrdeli jóndeýden ótkizý josparlanyp otyr.

Medeý aýdanynda aýla aýmaqtaryn jańartý jumystaryn turǵyndardyń pikirin eskere otyryp qolǵa alyp jatyr. Mundaı jobalar aýdannyń kókke oranyp, qolaıly jerge aınalýyna sep bolmaq.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

18:57

17:50

17:26

16:55

16:49

16:33

15:15

14:41

14:31

14:28

14:26

14:25

14:23

14:16

13:34

12:45

12:04

11:35

11:33

11:03

10:51

10:21

09:55

09:28

09:09