Jýrnalıser Medeý aýdanyndaǵy №33 mektepke baryp, ondaǵy jóndeý jumysyn kórdi. Jańarǵan ǵımarat aýdannyń bilim berý ınfraqurylymyn keńeıtip, jańǵyrtýdy kózdeıtin baǵdarlamanyń bir bóligine aınaldy, dep habarlaıdy aqshamnews.kz
«Aýdanda bilim berý salasynda 48 mekeme jumys isteıdi, olardyń 28-i memlekettik te, 20-sy – jeke menshik. Qazir bularda shamamen 36 myń oqýshy bilim alyp jatyr. Áli de 4 500 oqýshy orny jetispeı tur. Osy tapshylyqty kezeń-kezeńmen azaıtý maqsatynda jańa mektep salyp, bar mekemelerge qosymsha qurylys salýdy qolǵa alyp jatyrmyz», - dedi Medeý aýdany ákiminiń orynbasary Asqar Nurlybaev.
Qazir eki mektepte kúdeli jóndeý jumys júrip jatyr. №161 mekteptegisi oqý jylynyń basyna deıin aıaqtalmaq. Sondaı-aq, Samal shaǵyn aýdanyndaǵy №30 mektep «Kásipkerlik mektebi» jobasymen birigip, qosymsha 400 oryn paıda bolady. Qurylys jumys 2026 jyldyń qyrkúıek aıynda aıaqtalsa, bilim berý jobasy 2025 jyldyń sońyna deıin bitpek.
Osy jyldyń qyrkúıegine deıin Qulja tas jolynyń ońtústiginde 2 000 oryndyq jańa mektep salynyp bitedi. 599 oryndyq jeke mekteptiń qurylysy da júrip jatyr. «Dýman» shaǵyn aýdanynda 1 200 oryndyq mene Halıýllın kóshesinde 300 oryndyq taǵy eki jeke mekteptiń qurylysy bastalmaq. Osylaısha, keler jyldyń sońyna deıin aýdanda 4 099 jańa oqýshy orny paıda bolmaq.
Jańa ǵımarattardan bólek, qoldanystaǵy mektepterdi keńeıtý jumystary da júrgizilip jatyr. Bıyldyń sońyna deıin №35, №99 mektep pen NZM-degi qosymsha qurylys jumysy aıaqtalyp, bul 870 jańa oryn jasaýǵa múmkindik beredi. Qarasha aıynda №131 mektepke qosymsha qurylys bastalady, onyń aıaqtalýy 2026 jylǵa josparlanǵan. Sonymen qatar, №168 mektepke 300 oryndyq qosymsha qurylys salatyn joba qujattamasy ázirlenip jatyr.
Mektepke deıingi bilim berý salasy da kezeń-kezeńimen damyp keledi. 2024 jyldan bastap aýdanda 738 oryndyq 14 jeke balabaqsha ashyldy. 2025 jyldyń sońyna deıin taǵy 500 oryndyq 10 balabaqsha ashylmaq. Tamyz aıynda №195 balabaqshanyń kúrdeli jóndeýi aıaqtalyp, onyń syıymdylyǵy 140 orynǵa artqaly otyr. №110, 157, 166 men 196 balabaqsha jóndeýden ótip jatyr, ol jumys 2025 jyldyń tamyz aıynda aıaqtalady.