Grek-rım kúresiniń ókili Maqsat Erejepovtiń sońǵy ýaqytta jarystarǵa qatyspaı júrýiniń sebebi anyqtaldy. Tanymal balýan karerasyn aıaqtap, sport fýnksıoneri ataný týraly sheshim qabyldaǵan, dep habarlaıdy almaty-akshamy.kz.
2 mamyr kúni ol Qostanaıda Vladımır Matvıenko atyndaǵy Balalar-jasóspirimder olımpıadalyq rezerv mektebine basshy bolyp taǵaıyndaldy.
Sońǵy ret Erejepov bozkilemge 2023 jylǵy 29 jeltoqsanda shyqty. Sol kúni ol Atyraýda ótken «Munaıly astana kýbogy» halyqaralyq týrnırinde top jardy.
Maqsat Erejepov 1990 jyly Rýdnyıda týǵan. Biraq jarystarǵa Atyraý oblysynyń atynan qatysty.
Karerasyndaǵy basty jetistikteri: kadetter arasynda Azıa chempıony (2007 - 69 kg), jasóspirimder arasynda Azıa chempıony (2010 - 74 kg), Azıa chempıonatynyń tórt dúrkin qola júldegeri (2012 - 84 kg, 2013 - 74 kg, 2018 - 77 kg, 2019 - 82 kg), Azıa chempıonatynyń eki ret fınalısi (2014 - 71 kg, 2022 - 77 kg), Azıa chempıony (2017 - 75 kg), áskerıler arasyndaǵy álem chempıonatynyń qola júldegeri (2018 - 77 kg). QR sport sheberi, Azıada qatysýshysy (2014, 71 kg – segizinshi oryn).