Premer-Mınıstr Oljas Bektenov Munaıly aýdanynynyń Besshoqy aýylynda balalardyń ýlanýyna baılanysty densaýlyq saqtaý, oqý-aǵartý mınıstrlerin, Mańǵystaý oblysy ákiminiń esepterin tyńdady, dep habarlaıdy aqshamnews.kz
Búgingi tańda 460 bala dárigerlerdiń baqylaýynda, onyń 83-i aýrýhanaǵa jatqyzyldy, 2 bala jansaqtaý bóliminde. Zardap shekkenderdiń barlyǵy, onyń ishinde jansaqtaý bólimindegi balalardyń jaǵdaıy turaqty. Densaýlyǵynyń jaqsarýyna baılanysty reanımasıada jatqan eki bala jalpy bólimshege aýystyryldy.
Qazirgi ýaqytta aýrýhanaǵa ýlaný belgilerimen túsken balalardyń barlyǵyna tolyq kólemde qajetti medısınalyq kómek, sonyń ishinde psıhologıalyq kómek kórsetilýde. Oqıǵa ornynda QR Oqý-aǵartý mınıstrligi Balalardyń quqyqtaryn qorǵaý komıtetiniń ókilderi jumys istep jatyr. Zardap shekkenderge jáne olardyń otbasylaryna qoldaý sharalaryn kórsetý boıynsha jumystar júrgizilýde. Táýlik boıy shtab jumys isteıdi.
Aýrý oshaǵyn oqshaýlaý jáne joıý sharalaryn kúsheıtý úshin óńirge «Qoǵamdyq densaýlyq saqtaý ulttyq ortalyǵy» SHJQ RMK «Sanıtarıalyq-epıdemıologıalyq saraptama jáne monıtorıń ǵylymı-praktıkalyq ortalyǵy» fılıalynyń mamandary jiberildi.
Úkimet basshysynyń tapsyrmasy boıynsha bir aı ishinde respýblıkadaǵy barlyq mektepterdiń asqanalarynda sanıtarıalyq-epıdemıologıalyq talaptardyń saqtalýyna monıtorıń júrgiziledi. Ol mekteptegi tamaqtanýdyń qaýipsizdigin qamtamasyz etý jáne mundaı jaǵdaılardyń qaıtalanýyna jol bermeý sharalaryn kúsheıtýge baǵyttalǵan.
№8 mektepte tergeý jumystary júrgizilip jatyr. Kináliler jaýapqa tartylady.