Mańǵystaýdaǵy polıgonda oq tıip kóz jumǵan sarbazdyń ákesi beıneúndeý jasady, dep habarlaıdy aqshamnews.kz.
Sarbazdyń ákesiniń sózinshe, qaıǵyly jaǵdaı leıtenant qarýmen oınap otyrǵanda bolǵan.
Jalǵyz ulymdy áskerge attandyryp edim, endi mynandaı qaraly habar estip otyrmyn. Ulymdy betinen atyp óltirdi. Bul abaısyzda bolǵan jaǵdaı emes. Qarý atylyp ketý úshin saqtandyrǵyshtan alý kerek. Abaısyzda bolǵan oqıǵa deıdi, mıǵa syımaıdy. Qazir ol qamaýda deıdi, – deıdi er adam.
Ákesi istiń burmalanyp ketýinen qorqatynyn jetkizdi.
Barlyǵyn tolyqqandy zerttese deımin. Qazir Aqtaý qalalyq tergeý komıtetine baramyn. Ári qaraı ulymnyń máıitine saraptama jasalatyn orynǵa barýym kerek, – dep qosty ol.