Memleket basshysy quttyqtaý jedelhatynda Prezıdent Emomalı Rahmonnyń parasatty kóshbasshylyǵymen Tájikstannyń mańyzdy saıası jáne áleýmettik-ekonomıkalyq reformalardy júıeli túrde júzege asyryp, memlekettilikti nyǵaıtý jolynda senimdi qadam basyp kele jatqanyn, halyqaralyq arenada abyroıy joǵary ekenin atap ótti, dep habarlaıdy aqshamnews.kz.
Qasym-Jomart Toqaev Táýelsizdik jyldarynda Qazaqstan men Tájikstan strategıalyq seriktestik jáne odaqtastyq rýhyndaǵy ózara tıimdi qarym-qatynas ornatqanyn, bul eki halyqtyń múddesine saı keletinin jetkizdi.
Memleket basshysy Tájikstan Prezıdentiniń jaýapty memlekettik qyzmetine tabys, al baýyrlas tájik halqyna baq-bereke tiledi.
Qasym-Jomart Toqaev Emomalı Rahmondy Tájikstannyń Táýelsizdik kúnimen quttyqtady
- Avtor aqshamnews.kz
- 11:09, 09 qyrkúıek 2024
Aqorda