Bul týraly Premer-mınıstrdiń orynbasary Eraly Toǵjanov Aqtaýdaǵy Yntymaq alańyna jınalǵan jurtqa málimdedi dep habarlaıdy almaty-akshamy.kz
Sonymen qatar alańda bolǵan belsendi azamattardy jaýapkershilikke tartpaýǵa kepildik berildi. Buǵan deıin Úkimettik komısıa músheleri jańaózendik belsendi bastamashyl toppen kelissóz júrgizgen edi. Kezdesýde ózekti máseleler, sonyń ishinde suıytylǵan gaz baǵasyn tómendetý týraly aıtyldy.
Qatysýshylar jaǵdaıdy retteý múmkindigin talqylady. Bastamashyl top kógildir otynnyń baǵasyn tómendetýdi talap etti. Prezıdent Qasym-Jomart Toqaevtyń tapsyrmasymen qurylǵan úkimettik komısıaǵa Premer-mınıstrdiń orynbasary Eraly Toǵjanov jetekshilik etti.
Komısıa quramynda Prezıdent ákimshiliginiń, Energetıka mınıstrliginiń, Básekelestikti qorǵaý jáne damytý agenttiginiń, jergilikti atqarýshy organdardyń, «QazMunaıGaz» Ulttyq kompanıasynyń ókilderi jáne basqa da múddeli taraptar kirdi.