Mamyr aıynan bastap elimizde ne ózgeredi?

Mamyr aıynan bastap qazaqstandyqtardy ne kútip tur? Aqshamnews.kz materıalynan bilińiz. 

Jedel járdem qyzmetindegi jańashyldyq 

1 mamyrdan bastap jedel medısınalyq kómek kórsetý tártibi ózgeredi:

• Endi emhanalar janyndaǵy mobıldi brıgadalar tańǵy 08:00-den keshki 20:00-ge deıin jumys isteıdi.

• 4-sanatty shaqyrtýlar (mysaly, qan qysymynyń joǵarylaýy, dene qyzýy, jeńil jaraqattar) – ıaǵnı ómirge tikeleı qaýip tóndirmeıtin jaǵdaılar – emhana jumys ýaqyty ishinde alǵashqy medısınalyq-sanıtarlyq kómek kórsetetin mobıldi toptarǵa baǵyttalady.

• Al 20:00-den keıin jáne demalys kúnderi barlyq shaqyrtýlar, sonyń ishinde 4-sanatty, burynǵydaı jedel járdem brıgadalarymen qamtamasyz etiledi.

Densaýlyq saqtaý mınıstrliginiń málimetinshe, jedel járdemge kelip túsetin shaqyrtýlardyń 50%-dan astamy 4-sanatqa jatady jáne sozylmaly aýrýlardyń asqynýymen baılanysty. Bul jaǵdaı ómirine qaýip tónip turǵan naýqastardan resýrstardy alańdatýǵa ákep soǵady.

Jańa ózgerister júktemeni ońtaılandyryp, kútý ýaqytyn azaıtyp, júıeniń tıimdiligin arttyrady dep kútilip otyr. 

TJ kezinde baspanasy búlingenderge ótemaqy tóleý tártibi ózgerdi

2 mamyrdan bastap tabıǵı apat saldarynan keltirilgen zalaldy óteý erejeleri jańardy. Endi ótemaqy tólenetin múlik tizimi keńeıtildi. Oǵan:

• turǵyn úılerdi jylytýǵa arnalǵan otyn qory;

• múgedekter arbasy – qozǵalýǵa arnalǵan arnaıy qural endi.

Ótemaqynyń shekti mólsheri – 150 AEK-ten (2025 jyly – 589 800 teńge) aspaıdy.

Eksternmen oqý erejeleri ózgerdi

2 mamyrdan bastap kúshine engen jańa buıryqqa sáıkes:

• Eksternderge arnalǵan attestasıa jalpy tártip boıynsha: aǵymdaǵy, aralyq jáne qorytyndy baqylaý túrinde ótedi;

• Shetelde turatyn oqýshy oqý baǵdarlamasyn ózdiginen meńgeredi, al bilimin baqylaý (baǵa qoıý) – qashyqtan, tirkelgen mektebi arqyly júzege asady;

• Qorytyndy attestasıadan sátti ótkenderge memlekettik úlgidegi bilim týraly qujat beriledi.

Bankrot bolǵandardyń múlki elektrondy aýksıon arqyly satylady

3 mamyrdan bastap bankrot múlkin satý jańa ereje boıynsha ótedi:

• Múlik elektrondy aýksıon arqyly satylady;

• Bastapqy baǵa – balanstyq quny nemese baǵalaýdyń 75%-y;

• Aýksıonǵa qatysý úshin elektrondy qoltańbamen ótinim berý kerek;

• Barlyq proses memlekettik múlik reestri portaly arqyly júrgiziledi.

Taraz aınalma joly aqyly bolady

5 mamyrdan bastap Taraz qalasynyń aınalasyndaǵy 57 shaqyrymdyq jol ýchaskesi aqyly bolady. Aqyly paıdalaný merzimi – 20 jyl.

Baǵalar (bir baǵytqa):

• Avtobýstar (16 orynǵa deıin), júk kólikteri (2,5 t deıin): 390 tg (aldyn ala tólem) / 330 tg (aldyn ala tólem)

• Avtobýstar (32 orynǵa deıin), júk kólikteri (5,5 t deıin): 790 / 670 tg

• Avtopoıyzdar (10 t deıin): 1190 / 1010 tg

• Júk kólikteri (10-15 t): 1590 / 1350 tg

• Júk kólikteri (15 t joǵary, tirkemeli): 1980 / 1680 tg

Prezıdenttik kadr rezervine ózgerister engizildi

9 mamyrdan bastap, Prezıdenttiń arnaıy memlekettik organdar úshin kadr rezervin qalyptastyrý erejeleri jańartylady.

• Qujattan quqyq qorǵaý jáne azamattyq qorǵaý organdaryna qatysty normalar alynyp tastaldy;

• Rezerv tek kúsh qurylymdary úshin arnalǵan bolady;

• Rezervti Prezıdent Ákimshiliginiń basshysy Qaýipsizdik Keńesiniń kelisimimen bekitedi.

Mektep bitirý emtıhandarynyń kúnderi bekitildi

9 mamyrdan bastap mektep túlekteri úshin emtıhan kúnderi resmı túrde bekitiledi.

9 (10) synyptar úshin:

• 29 mamyr – matematıka (algebra);

• 2 maýsym – oqý tili (qazaqsha, oryssha);

• 5 maýsym – tańdaý páni (fızıka, hımıa, tarıh, ádebıet, t.b.);

• 10 maýsym – qazaq nemese orys tili men ádebıeti.

11 (12) synyptar úshin:

• 30 mamyr – Qazaqstan tarıhynan aýyzsha emtıhan;

• 4 maýsym – algebra jáne taldaý negizderi;

• 9 maýsym – oqý tili boıynsha emtıhan;

• 12 maýsym – tańdaý páni;

• 16 maýsym – qazaq nemese orys tili men ádebıeti.

Memleketten turǵyn úı alý erejeleri ózgerdi

24 mamyrdan bastap memlekettik mekemeler qyzmetkerlerine arnalǵan turǵyn úı kezegi jańa ereje boıynsha júrgiziledi.

Kezekke turý úshin qajet qujattar:

• Ótinish;

• Jeke kýáliktiń jáne otbasy músheleriniń qujat kóshirmeleri;

• Neke (ajyrasý), ólim, týý týraly kýálikterdiń kóshirmeleri;

• Sot sheshimi (bar bolsa);

• Áleýmettik osal topqa jatatynyn rastaıtyn qujat.

Salyq kodeksine túzetýler Senatqa joldandy

30 sáýirde Májilis Salyq kodeksine túzetýlerdi ekinshi oqylymda qabyldady. Endi qujat Senat qaraýyna ótedi.

Mańyzdy ózgerister:

• 2026 jyldan bastap QQS stavkasy 12%-dan 16%-ǵa kóteriledi;

• QQS tirkeý shegi 15 mln teńgeden 40 mln teńgege deıin ulǵaıady;

• Dári-dármekterge de QQS engiziledi.

Smartfondardy verıfıkasıalaý merzimi aıaqtalady

24 mamyrǵa deıin uıaly qurylǵylardy verıfıkasıalaý qajet. Qurylǵylar úsh tizimge bólindi:

• Aq tizim – tekserýden ótken jáne bazaǵa engizilgen;

• Sur tizim – tekserý qajet, ýaqytsha 30 kúnge qosylǵan;

• Qara tizim – durys emes IMEI. Mundaı qurylǵylar tolyqtaı jeliden ajyratylady.

25 mamyrdan keıin saıt jumysyn jalǵastyrady, biraq tirkelmegen qurylǵylar úshin baılanys qyzmetteri shekteledi.

Aýa raıy boljamy

1, 2 jáne 3 mamyr kúnderi Qazaqstanda turaqsyz aýa raıy kútiledi. Kóptegen óńirlerde naızaǵaıly jańbyr, al taýly aımaqtarda – jańbyr aralas qar jaýýy múmkin.

Mamyr aıyndaǵy merekeler

Mamyr – merekelerge toly aı:

• 1 mamyr (beısenbi) – Qazaqstan halqynyń birligi kúni;

• 7 mamyr (sársenbi) – Otan qorǵaýshylar kúni;

• 9 mamyr (juma) – Jeńis kúni.

Sonymen qatar kásibı merekeler de bar:

• 17 mamyr – Baılanys qyzmetkerleri kúni;

• 20 mamyr – Metrologıa qyzmetkerleri kúni;

• 21 mamyr – Mádenıet jáne óner qyzmetkerleri kúni;

• 25 mamyr – Hımıa ónerkásibi qyzmetkerleri kúni (mamyrdyń sońǵy jeksenbisi).