Osy aptada ánshi Sáken Maıǵazıev Treds jelisiniń juldyzyna aınaldy. Al bloger Mereı Ábilova nege taǵy heıtke ushyrady? Blogerdiń qaı qylyǵy jurtqa jaqpaı qaldy? Ádettegideı Aqshamnews.kz tilshisiniń materıalynda.
Maıǵazıev emodzılermen trend taratty
Maıǵazıev Tredste lıftide qamalyp qalǵanyn bólisti.
"Lıft ashylmaı qaldy. Altyndarym-aý, barlyǵy jany qalmaı júgirip júr. "Qazir shyǵaryp alamyz, eshqaıda ketip qalmańyz", dep qoıady. Qaıda ketem?",- dep jazdy ártis óz jazbasynda.
Maıǵazıevtiń jazbasyna jalaýshalardan bastap, tańbalar, tamaq, janýarlar jáne turmystyq zattarǵa deıin uzyn-sonar emodzıler qatarlasyp berilgen. Dál osy jaıt qyzý talqylaýdyń bastalýyna túrtki boldy.
sýret: Treds jelisinen skrın
Ánshiniń jazbasynyń astyna jazylýshylar júzdegen smaılıkke toly pikirler qaldyra bastady. Keıbireýler ázildep suraq qoıyp bastady:
"Sáken aǵa, shyqtyńyz ba?", "sizge lıftiden tikeleı efır qosý kerek sıaqty", "siz ár jazbaǵa smaılıkterdi jeke tańdaısyz ba, álde jaı ǵana kóshirip qoıasyz ba?" - dep jazdy Treds qoldanýshylary.
Al keıbireýler ártistiń "birde-bir smaılıkti renjitpeı", olardy barynsha paıdalanyp júrgenin kúlki qyldy.
sýret: Treds jelisinen skrın
Biraz ýaqyttan keıin Sáken Maıǵazıev qaıta jazba jarıalap, lıftiden aman-esen shyqqanyn, alaıda qarbalastan ony birden aıtýdy umytyp ketkenin túsindirdi.
"Aıttym ǵoı, adam balasy umytshaq dep. Lıftten aman-esen shyqqanymdy aıtam dep umytyp ketippin ǵoı. Barshańyzǵa myń alǵys! ALLA razy bolsyn. Eshqashan lıftte qalyp koımańyzdar" dep jazdy ol.
