Astanada LRT-de jol júrý quny 100-den 200 teńgege deıin bolýy múmkin.
Bul týraly Astana ákimi Jeńis Qasymbek qala turǵyndarymen kezdesý barysynda aıtty, dep habarlaıdy aqshamnews.kz El.kz aqparat agenttigine silteme jasap.
LRT bıletiniń baǵasyna kelsek, jobalyq tarıf belgilengen. Qazirshe 100-den 200 teńge aralyǵynda dep boljanyp otyr. Ázirge osy mejede qala beredi, – dedi ákim.
Sonymen qatar Jeńis Qasymbek elordadaǵy aqyly turaqtardy jańa ınvestorǵa berý týraly aqparatty joqqa shyǵardy. Onyń aıtýynsha, bul másele kún tártibinde joq.
Men osydan 2-3 aı buryn aldyn ala aıtqan bolatynmyn. «Astana turaq keńistigi» mekemesin komýnaldyq menshikke ótkizý josparlanǵan. Bul másele boıynsha qazirgi ýaqytta Kólik basqarmasy ınvestormen kelisimshartty toqtatý baǵytynda jumys júrgizip jatyr. Mekeme tolyqtaı komýnaldyq menshikke ótedi, – dedi qala basshysy.